web counter
LEXO PA REKLAMA!

SHKARKO APP

App Store
Google Play

Berisha, mesazh Ramës/ “S’ke të ardhme, shumë shpejt para gjyqit”

7 Janar 2024, 18:27, Politikë CNA
Berisha, mesazh Ramës/ “S’ke të ardhme, shumë shpejt
Kryetari i PD-së, Sali Berisha

Nga ballkoni i shtëpisë së tij, kryetari i PD-së, Sali Berisha i është drejtuar me një mesazh kryeministrit Edi Rama.

Berisha i përmendi Ramës aferën e inceneratorëve, skandalin me koncesionin e sterilizimit dhe denoncimet e opozitës për Portin e Durrësit.

Ai deklaroi se kreu i qeverisë nuk ka të ardhme, pasi theksoi se shumë shpejt do të dalë para gjyqit të histories për vjedhje dhe lidhje me krimin e drogën.

“Edi Rama nuk mund të pranonte hetimin sepse ka firmën e tij të zezë në vjedhjen e shekullit. Është ai që përdori procedurë antiligjore për të vjedhur, qindra milionë dhe për t’i përcjellë në kontot offshore.

Është ai, që përdori të gjithë pushtetin e tij për t’i imponuar shkeljen e çdo ligji dhe rregulli me firmën e tij.

Është ai që në vjedhjen e dytë të shekullit që kalonte nga studio më studio televizive, me një gërshërë dhe pincë të thyer,mashtronte si halabak shqiptarët; se ja me çfarë operoheshit ju.

E bënte këtë vetëm e vetëm, sepse e dinte që prapa mashtrimit të tij do të siguronte nga taksat tuaja, djersa juaj, qindra e qindra milionë euro të reja.

Edi Rama u tmerrua sepse opozita u ngrit dhëmbë për dhëmbë me të, kundër aferës së portit të Durrësit, parajsës së tij dhe të trafikantëve të drogës, duke u vjedhur shqiptarëve më së paku një truall që shkon miliarda Euro.

Edi Rama u tërbua, kaloi në aksion brutal kundër opozitës, sepse opozita denoncoi një e nga një të gjitha vjedhjet e thjeshtrës së tij me pushtetin e njerkut të artë.

Opozita u tregoi shqiptarëve se morali i tyre është vetëm një; vjedhja dhe vetëm vjedhja juaj.

Atëherë Edi Rama vendosi të kalojë na masa ekstreme, të akuzojë Sali Berishën për korrupsion sepse dhëndërri i tij ka marrë 410 metër tokë të trashëguar nga familja, mes 1 miliardë e 577 milionë e 400 mijë metra katrorë që morën mbi 510 mijë shqiptarë.

Edi Rama kërkon të mbrohet me dhunim të të drejtave, me mashtrime, trillime, por ne jemi këtu. Ne jemi këtu për t’i thënë nga kjo rrugë, se Edi Rama nuk ke të ardhme, se vjedhjet, plaçkitja e Shqipërisë, e votës së lirë, se pushteti yt mbi krimin, drogën, do të jetë shumë shpejt para gjyqit të histories”, nënvizoi Berisha./ CNA





Lajmet e fundit nga