web counter
LEXO PA REKLAMA!

SHKARKO APP

App Store
Google Play

"Posta Shqiptare, nevojë për reformim"/ Paralajmërimi i Ballukut për punonjësit

8 Janar 2024, 12:10, Politikë CNA
"Posta Shqiptare, nevojë për reformim"/ Paralajmërimi i
Belinda Balluku

Gjatë fjalës së saj në analizën vjetore të Ministrisë së Infrastrukturës dhe Energjisë, ministrja Belinda Balluku u shpreh se një tjetër vëmendje të veçantë të qeverisë shqiptare ka marrë edhe Posta Shqiptare.

Ajo theksoi se Posta Shqiptare ka nevojë të reformohet dhe se është me rëndësi përshtatja e saj me inovacionin.

Ministrja nënvizoi më tej se me futjen e teknologjisë do të shmangen edhe abuzimet që janë faktuar nga vetë drejtues të Postës Shqiptare.

Pra, ajo bëri paralajmërimin se nuk do të ketë më mundësi për abuzime me detyrën dhe kjo falë teknologjisë. 

“Kemi vendosur që në 2024 të procedojmë me krijimin e një agjencie sa i përket transportit publik që do të ofrojë një biletë elektronike duke i dhënë një mundësi të re transportit me ngritjen e stacioneve të mirëfillta. Do të ketë rinovim të flotës së transportit publik, e gjitha kjo paketë do të jetë në ditët në vazhdim një nga projektet që ne do të prezantojmë në vijim. Posta Shqiptare ka nevojë të reformohet. Një grup i mirë që shërbehet nga posta janë pensionistët që duhet t’i njohim një sërë pamundësish që kanë, si p.sh. aksesi i teknologjisë dhe ne kemi vendosur të fokusohemi në rritjen e cilësisë dhe të shmangim abuzimet që janë faktuar nga vetë drejtues të Postës Shqiptare. Përshtatja e postës me inovacionin është në parimin e qeverisë shqiptare”, tha ministrja./CNA





Lajmet e fundit nga