web counter
LEXO PA REKLAMA!

SHKARKO APP

App Store
Google Play

E fundit!

x

PD, akuza për ndërtime kullash në Pogradec/ “Investitori strategjik i kallëzuar në SPAK”

9 Janar 2024, 14:07, Politikë CNA

PD, akuza për ndërtime kullash në Pogradec/ “Investitori

Nënkryetari i PD-së, Luçiano Boçi, në një dalje për mediat akuzoi kryeministrin Edi Rama se po sulmon vijën e liqenit të Pogradecit, me ndërtime kullash.

“Jemi këtu për të denoncuar një tjetër aferë korruptive, rasti i kafshimit dhe rrëmbimit të hapësirës publike për pazare dhe allishverishe të pista.

Për t’ua dhënë atë klientëve të zgjedhur, të cilët shërbejnë pas edhe si arka nga ku dalin një pjesë e parave të pista për të devijuar votën dhe manipuluar proceset zgjedhore.

Rama, pasi lau duart me jugun, kreu punë atje. E ndau copa-copa, duke ua dhënë ‘investitorëve strategjikë’, familjarëve të qeveritareve, klientëve të tij, tani i është sulur vijës liqenore të Pogradecit, për ta bërë Pogradecin rastin tipik të dytë suksesiv, viktimë të kombinimit të korrupsionit ekonomik me korrupsion politik, duke transferuar pasuritë publike në duart e investitorëve, të cilët në fakt janë ajo pjesa familjare e bashkëpunimit të Ramës në korrupsionin politik dhe ekonomik, për të gllabëruar dhe rrëmbyer pasurinë tonë të përbashkët që konsiderohet publike që na takon të gjithëve, sidomos në zona të veçanta, siç është bregdeti apo siç është zona e mbrojtur e liqenit të Pogradecit, por edhe në zona tjera siç e kemi parë, duke ua dhënë këto prona njerëzve të targetuar dhe të faktuar si anëtarë të bandave kriminale, siç ka ndodhur sot me Velipojën”, u shpreh ai.

PD, akuza për ndërtime kullash në Pogradec/ “Investitori

Kullat në Pogradec, sipas Boçit, po i ndërton investitori strategjik që PD e ka kallëzuar dy herë në SPAK për godinat shumëkatëshe në Tiranë.

“Investitori në fjalë që ka projektuar ndërtimin e këtyre kullave është i kallëzuar në SPAK për 7 katet pa leje në sheshin 'Skënderbej' dhe për kullën në godinën e ish-Policisë Bashkiake të Tiranës, të marrë në kundërshtim me të gjitha ligjet si leje ndërtimi po nga ky ndërtues.

Dhe për këtë rast është i kallëzuar nga SPAK nga zoti Belind Këlliçi. Pra ka dy kallëzime në SPAK.

Këta janë këta investitorët strategjikë që Rama i stimulon dhe që Rama i përdor dhe me të cilët bashkëpunon për të rrëmbyer pikërisht hapësirën publike dhe për ta përdorur në ato forma që unë i parashtrova”, deklaroi nënkryetari i PD-së.

PD, akuza për ndërtime kullash në Pogradec/ “Investitori

Boçi tha se Pogradeci ka një mbrojtje të veçantë nga UNESCO, duke e bërë sipas tij shkeljen edhe më të rëndë.

Ish-deputeti demokrat i bëri apel Prokurorisë së Posaçme për të nisur hetimin për rastin./ CNA





Lajmet e fundit nga