web counter
LEXO PA REKLAMA!

SHKARKO APP

App Store
Google Play

E fundit!

x

Emërimi i Gonxhes/ Ish-ministri: Do ketë problematika, nuk ka shkollimin e duhur

9 Janar 2024, 19:51, Politikë CNA
Emërimi i Gonxhes/ Ish-ministri: Do ketë problematika, nuk ka
Ish-ministri i Jashtëm Besnik Mustafaj

Ish-ministri i Jashtëm Besnik Mustafaj ka komentuar emërimin e Blendi Gonxhes si ministër i Ekonomisë, Kulturës dhe Inovacionit.

Gjatë një inetrviste, Mustafaj theksoi se bashkimi i inovacionit me kulturën, janë dy degë të ndryshme dhe është e vështirë të kenë të njëjtën vëmendje nga një ministër që ka edhe ekonominë në dorë.

Mustafaj është shprehur se kryeministri Edi Rama e koncepton qeverisjen si stil.

Më tej Mustafaj nënvozi se Gonxhe do të ketë problematika me Ekonominë pasi ai nuk ka shkollimin dhe eksperiencën e duhur për ta menaxhuar.

“Kultura është një nga elementët thelbësorë të identitetit tonë dhe përfaqësimit në botë. Bashkimi i inovacionit me kulturën, janë dy degë të ndryshme dhe është e vështirë të kenë të njëjtën vëmendje nga një ministër që ka edhe ekonominë në dorë.

Ky është një rikompozim qeverie, përderisa krijon një ministri të re dhe bashkon dy të tjera. Ky rikompozim nëse do ketë logjikë në përputhje me nevojat e vendit, do ta shohim në muajt në vijim. Kryeministri ynë e koncepton qeverisjen si stil. Nuk është stil qeverisja, është metodë. Stili dhe metoda janë dy terma të ndryshme.

Nga natyra nuk jam paragjykues dhe nuk dua ta paragjykoj Gonxhen. Ekonomia do jetë problematika e tij, pasi ai nuk ka shkollimin dhe eksperiencën e duhur, por nëse rrethohet nga njerëz të informuar mund t’ia dale”, tha ish-ministri./ CNA

 





Lajmet e fundit nga