web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza mediave/ Morën qindra milionë nga inceneratorët, mashtruan qytetarët

13 Janar 2024, 19:20, Politikë CNA
Berisha, akuza mediave/ Morën qindra milionë nga inceneratorët,
Ish-kryeministri Sali Berisha

Ish-kryeministri Sali Berisha denoncoi mediat që janë paguar nga njerëzit e inceneratorëve për të fshehur vjedhjen e shekullit.

Nga ballkoni i shtëpisë së tij, Berisha tha se njerëzit e inceneratorëve i shpërndanë paratë e marra nga taksapaguesit nëpër media.

Ai tha se paratë iu shpërndanë Carlo Bollinos, Ben Blushit dhe shumë mediave të tjera, të cilët sipas tij mashtronin qytetarët duke mburrur inceneratorët.

“Miqtë e mi, afera e vjedhjes së shekullit është organizata kriminale më gjigante.

Paratë tuaja, për të mbuluar këtë vjedhje të tmerrshme, u shpërndanë në fusha dhe institucione të tjera.

U vodhën qindra e qindra milionë dhe iu shpërndanë medieve, Bolinove, Blushit dhe shumë hajdutëve të tjerë, të cilët këndonin në mediat e tyre këngën e vjedhjes së shekullit dhe mashtronin qytetarët.

Edi Rama, me Erion Veliajn janë dy autorët kryesorë të vjedhjes së shekullit, inceneratorit të Tiranës.

Të dashur miq, përllogaritjet e sakta të specialistëve të pavarur, por edhe atyre të PD, të cilët unë do i përgëzoj me mirënjohje për punën e jashtëzakonshme që kanë bërë, kanë treguar se me djegësin e Tiranës, taksapaguesit e Tiranës, Krujës, Kavajës, Durrësit, do paguanin në 30 vite 930 milionë euro, pra rreth 1 miliard euro.

Por, kjo vjedhje gjigante, kjo organizatë kriminale gjigante, ka përdorur dhe po përdor si mburojë, organizatën tjetër kriminale, Skapin e parties, i cili përbën sot një nga grupet më kriminale në historinë e këtij vendi”, theksoi kryedemokrati./ CNA





Lajmet e fundit nga