web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza të forta Ramës/ “Bandit pa ligj, moral e dinjitet”

14 Janar 2024, 19:09, Politikë CNA
Berisha, akuza të forta Ramës/ “Bandit pa ligj, moral e
Kryetari i PD-së, Sali Berisha

Kryetari i PD-së, Sali Berisha ka hedhur akuza të forta ndaj kryeministrit Edi Rama gjatë fjalës së tij për protestuesit nga ballkoni i shtëpisë së tij.

Berisha e cilësoi Ramën si një bandit që nuk njeh ligj, që nuk ka moral e dinjitet dhe që i trajton shqiptarët si pushtues.

Kryedemokrati përsëriti pretendimet e tij se për projektin e copëzimit të Kosovës dhe deklaroi se Rama ka fyer Ibrahim Rugovën.

“Në një hark kohor të shkurtër, Edi Rama, mafia e tij më e rrezikshme në Europë, mafia e tij shtetërore, u sul me tërbim kundër fjalës së lirë. Mbylli televizione, media. I shembi kryeqytetit dhe kombit, simbolin e mrekullueshëm, Teatrin e tij Kombëtar.

Edi Rama një lloj si një bandit, pa ligj, moral, dinjitet, trajtoi shqiptarët në Astir, tek Unaza, njëlloj si një pushtues i egër. Mashtroi studentët.

Edi Rama në projektin e tij ogurzi të përqendrimit të të gjitha pushteteve në duart e tij, vendosi votën e shqiptarëve, vullnetin e tyre, në kontrollin e tij, të bandave të tij, të parave të krimit të tij.

Ai ja doli me fuqinë e korrupsionit të mposhtë, kontrollojë opozitën dhe pas kësaj mendoi se Shqipëria pa opozitë, si Shqipëria e dajos së tij, që firmoste ekzekutimin e Genc Lekës, Vilson Blloshmit, që firmoste ekzekutimin e dhjetëra e dhjetëra intelektualëve shqiptarë.

Njëlloj si Shqipëria e babait të tij që firmoste varjen në litar të Havzi Nelës të ishte një Shqipëri pa opozitë, ku ai si padrino i saj të merrte çdo vendim, të kryente çdo akt, të bënte ndaj shqiptarëve atë që nuk e ka bërë deri më sot asnjë pushtues.

Nga kjo tribunë e juaja, tribunë e lirisë, e dinjitetit, guximit ju ftoni, apeloni ndjenjat patriotike të çdo shqiptari. Shqiptarë, atdhetarë kudo që jeni, mos harroni se në Tiranë sot është një armik i egër i Kombit shqiptar i cili në raport me pjesë të tjera të kombit është vëlla siamez me Enver Hoxhën”, theksoi Berisha./ CNA





Lajmet e fundit nga