web counter
LEXO PA REKLAMA!

SHKARKO APP

App Store
Google Play

E fundit!

x

“Protesta kundër hajdutërisë nuk do të ndalet”/ Këlliçi paralajmëron prova të reja për vjedhjet në Bashkinë e Tiranës

25 Shtator 2024, 16:06, Politikë CNA
“Protesta kundër hajdutërisë nuk do të ndalet”/
Pamje nga protesta

Drejtuesi politik i PD-së për Tiranën Belind Këlliçi, pas protestës së 27-të para Bashkisë së Tiranës ka deklaruar se opozita nuk do të ndalet në misionin e saj derisa kryebashkiaku Erion Veliaj të shkojë me çdo kusht para drejtësisë dhe ligjit për aferat korruptive.

Këlliçi përmes një postimi në rrjetet sociale theksoi se Tirana do të çlirohet nga kjo bandë hajdutësh që ka kapur për fyti qytetin dhe ka uzurpuar çdo hapësirë të mundshme.

Anëtari i Kryesisë së PD-së shprehet se protesta do të vijojë sërish javën tjetër me fakte dhe prova të reja për vjedhjet në Bashkinë Tiranë.

“Protesta kundër hajdutërisë dhe korrupsionit në bashkinë Tiranë nuk ndalet. Kreu i 5D dhe pronari faktik i inceneratorit Tiranë do shkojë me çdo kusht para drejtësisë dhe ligjit!

Tirana do çlirohet nga kjo bandë hajdutësh që ka kapur prej fyti qytetin tonë dhe ka uzurpuar çdo hapësirë të mundshme!

Protesta jonë do vijojë! Javën tjetër sërish në protestë, me fakte e prova të reja për vjedhjet në bashkinë Tiranë!”, shkruan Këlliçi./ CNA





Lajmet e fundit nga