web counter
LEXO PA REKLAMA!

SHKARKO APP

App Store
Google Play

E fundit!

x

Silvi Bardhi: Veliaj, arkitekti i korrupsionit të Bashkisë së Tiranës

25 Shtator 2024, 12:03, Politikë CNA
Silvi Bardhi: Veliaj, arkitekti i korrupsionit të Bashkisë së
Koordinatorja për Departamentet në PD, Silvi Bardhi

Koordinatorja për Departamentet në PD, Silvi Bardhi, e konsideroi kryebashkiakun e Tiranës, Erion Veliaj, si arkitektin e korrupsionit të Bashkisë së Tiranës.

Në protestën para bashkisë, ajo deklaroi se drejtorët e Bashkisë së Tiranës janë mercenarët e Veliajt dhe krijesa e piramidës gjigante të vjedhjeve.

Gjithashtu, Bardhi renditi problemet e kryeqytetit dhe abuzimet e drejtorëve, ndërsa theksoi se opozita nuk do të ndalet deri në dorëheqjen e Veliajt.

Pjesë nga deklarata:

Problemet e ndotjes, trafikut, mungesës së hapësirave të gjelbra dhe shërbimeve publike janë vetëm disa nga shqetësimet tona. Ne kërkojmë një qeverisje që e vë në prioritet mirëqenien e qytetarëve, një Bashki që dëgjon zërin e tyre dhe vepron në interesin e qytetarit të thjeshtë.

Ne nuk jemi këtu për të protestuar për asnjë pushtet personal, por për të kërkuar një të ardhme më të mirë për të gjithë qytetarët e ndershëm, për çdo familje e cila jeton dhe punon në kryeqytet.

Duam që Bashkia të angazhohet seriozisht për projekte që përmirësojnë jetesën tonë dhe të krijojë mundësi për brezat e ardhshëm. Ne kërkojmë transparencë, përgjegjësi dhe një qasje të hapur ndaj qytetarëve.

Por kjo nuk mund të ndodhë teksa kjo godinë drejtohet nga arkitekti i korrupsionit të Bashkisë Tiranë Erion Veliaj, bashkë me mercenarët e tij, krijesa të kësaj piramide gjigante vjedhjeje.

Kur flet për korrupsionin në Bashkinë e Tiranës, të vjen ndërmend:

1. Përkeqësimi i Shërbimeve Publike:

Është turp që në vitin 2024 Tirana ende nuk ka një shërbim dinjitoz publik.

Është turp që ende shkollat janë me turne.

Është turp që lagjet e Tiranës janë të mbushura me plehra.

Është turp që ende Tirana mban depozitat e ujit, pasi ujë 24 orë nuk ka.

Është e pafalshme që fëmijët dhe moshat e treta nuk kanë ambiente të gjelbëruara në lagjet e tyre, por vetëm beton.

Kur flet për korrupsionin në Bashkinë e Tiranës, të vjen ndërmend:

2. Mungesa e Transparencës:

Shpesh, vendimet e marra në këtë godinë janë të panjohura për qytetarët, duke krijuar një ambient ku korrupsioni mund të lulëzojë pa u vënë re. Ne duam të dimë se si shpenzohen taksat tona dhe si vendosen prioritetet për zhvillimin e qytetit. Por ky informacion është "Top Secret" nga Erjon Veliaj.

Kur flet për korrupsionin në Bashkinë e Tiranës, të vjen ndërmend:

3. Abuzimi me Fondet Publike: Korrupsioni shpesh përfshin abuzimin me fondet që duhen përdorur për infrastrukturë, shëndetësi, dhe arsim, duke e lënë qytetin pa burimet e nevojshme që të përmirësojnë cilësinë e jetës sonë.

Kur flet për korrupsionin në Bashkinë e Tiranës, të vjen ndërmend:

4. Përjashtimi i qytetarëve nga proceset vendimmarrëse:

Kur korrupsioni është i pranishëm, qytetarët shpesh ndihen të përjashtuar nga proceset vendimmarrëse që ndikojnë në jetën e tyre. Është e nevojshme që qytetarët të kërkojnë llogari nga drejtuesit e Bashkisë dhe të nxisin një klimë të hapur dhe transparente.

Le të jemi të qartë: Ne nuk do të heqim dorë nga kërkesat tona. Sot, ne jemi bashkë për të treguar se nuk jemi vetëm numra, por një komunitet i fortë që kërkon të drejtat e tij. Ne jemi këtu për të bërë që zëri ynë të dëgjohet.

Ne jemi fuqia e këtij qyteti, dhe zëri ynë do të dëgjohet!

Bashkohuni me ne në këtë luftë për një Tiranë më të mirë! Le të jemi zëri i ndryshimit!/ CNA





Lajmet e fundit nga