web counter
LEXO PA REKLAMA!

SHKARKO APP

App Store
Google Play

E fundit!

x

Dosja “Partizani”/ Berisha: Ishte kërkesë e Escobar dhe Yuri Kim, janë diplomatë të korruptuar

25 Shtator 2024, 12:42, Politikë CNA
Dosja “Partizani”/ Berisha: Ishte kërkesë e Escobar dhe
Kryetari i Partisë Demokratike, Sali Berisha

Kryetari i Partisë Demokratike, Sali Berisha, kundërshtoi sërish akuzat e ngritura nga SPAK-u për dosjen “Partizani”.

Në një konferencë për mediat, Berisha e cilësoi dosjen në SPAK si një proces politik.

Ai tha se kallëzimi u bë nga ministri Taulant Balla, pas kërkesës së përsëritur të diplomatëve amerikanë, Gabriel Escobar dhe Yuri Kim, që sipas tij janë të korruptuar.

“Ky akt i paprecedent, i bazuar në një piramidë fund e krye mashtrimi, falsifikimi dokumentesh, manipulimi dhe fshehje të dokumenteve zyrtare, do gdhendet në muret e kohës si një nga veprat më të shëmtuara të narkoshtetit në Shqipëri.

Në këtë piramidë, prokurorët politikë të prokurorisë private të Edi Ramës kanë rreshtuar duke i shumëzuar për dy të gjitha mashtrimet e renditura në dokumentin me të cilin ata shpallën nën hetim Sali Berishën dhe Jamarbër Malltezin, dhe vendosën në shkelje të rëndë të Kushtetutës, Konventës Europiane të të Drejtave të Njeriut dhe ligjeve të vendit, arrestin e tij në shtëpi, ndalimin e komunikimit të tij me çdo person tjetër përveç familjarëve të afërt dhe ndalimin e ndjekjes së punimeve të parlamentit si deputet i zgjedhur nga qytetarët, ndonëse pa asnjë masë dënimi siç kërkojnë ligjet për këtë vendim.

Ky proces politik kundër Sali Berishës erdhi pas kërkesës së përsëritur të diplomatëve të korruptuar amerikanë Gabriel Escobar dhe Yuri Kim.

Kësaj të fundit i kisha denoncuar publikisht në mënyrë të përsëritur aktet e saj korruptive.

Pas kërkesës publike të Edi Ramës në asamblenë e partisë së tij në vitin 2022, që Sali Berisha të persekutohej, të ndiqej, të penalizohej”, deklaroi kreu i PD-së./ CNA





Lajmet e fundit nga