web counter
LEXO PA REKLAMA!

SHKARKO APP

App Store
Google Play

E fundit!

x

“Presim shkarkimin e Erion Veliajt”/ Pano: Në 7 muaj, Bashkia Tiranë më keq se çka qenë

17 Shtator 2025, 16:28, Politikë CNA

“Presim shkarkimin e Erion Veliajt”/ Pano: Në 7 muaj, Bashkia

Këshilltari i Partisë Demokratike në Këshillin Bashkiak të Tiranës, Jonathan Pano tha sot se prej opozita pret prej katër muajsh shkarkimin e kryebashkiakut të arrestuar të kryeqytetit, Erion Veliaj.

Në një intervistë në ‘Syri TV’, Pano theksoi se në çdo mbledhje është diskutuar për këtë rast.

Pano shtoi se 7 muajt e fundit, Tirana është më keq se çka qenë, kjo nga keqmenaxhimi i bashkisë.

“Tani jemi në një legjitimitet total të Bashkisë së Tiranës. Ne si grup i partisë Demokratike, kemi dorëzuar që më 9 maj shkresën për mbledhjen e këshillit bashkiak të Tiranës dhe për shkarkimin e kryetarit Erion Veliaj. Në fakt, nuk është këshilli bashkiak ai që vendos për shkarkimin, por këshilli bashkiak kalon kërkesën e vetë në këshillin e ministrave. E më pas, është Këshilli i Ministrave dhe Kryeministri që merret më pas me shkarkimin.

Dhe nga momenti që ne kemi dorëzuar shkresën tonë deri në mbledhjen e fundit të këshillit bashkiak që ishte javën e kaluar, në çdo mbledhje ne kemi kërkuar diskutime mbi situatën aktuale në Bashkinë e Tiranës. Bashkia e Tiranës këto 7 muajt e fundit ka qenë akoma më keq nga çka qenë më përpara dhe keqmenaxhimi si me Erion Veliaj dhe pa Erion Veliaj e ka sjellë qytetin në këtë pikë ku është sot.

Ne vazhdojmë ende të kemi probleme me ujin në Bashkinë e Tiranës dhe nuk kemi kë të bëjmë përgjegjës për këtë punë. Është e vërtetë që me mbledhjen sot të këshilltarëve të PS në sallën e PS, mesa duket dhe ne do të kuptojmë më qartë se kur do të bëhet kërkesa për shkarkimin e Erion Veliajt dhe më pas do të ndiqen të gjitha procedurat ligjore. Është diçka që ne e kemi kërkuar dhe tanimë prej 4 muajsh dhe në çdo mbledhje të këshillit bashkiak kemi insistuar për shkarkimin”,-tha Pano./CNA





Lajmet e fundit nga