E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Gara për Tiranën dhe fytyra e vërtetë e Jorida Tabakut

17 Shtator 2025, 10:10, Politikë CNA

Jorida Tabaku ka deklaruar se nuk do të kandidojë përballë Ogerta Manastirliut në garën për Bashkinë e Tiranës.

Në një dalje publike në "A Krasta Show", Tabaku tha se e njihte mirë punën në Bashkinë e Tiranës, por tani nuk ishte në ambiciet e saj, pasi është në Parlament dhe nuk preferon t’i lërë gjërat përgjysmë.

"PD ka figura të mira edhe elektorale. Mund të jenë ata që morën votat nga Primaret. Copëzimi i opozitës, minimizoi PD-në. Unë s’jam për garën e Bashkisë së Tiranës, kam fituar garë tjetër 100 %. S’është bashkia në ambiciet e mia, e njoh, e bëj shumë mirë, fokusi im është në Parlament. Ka shumë emra, ndava hapat e fundit në garë me Ilir Alimehmetin, që është figurë e mirë. E nevojshme është që në garë të gjithë të ngrihen bashkë kundër këtij sistemi. S’është gjë e thjeshtë të mundësh gjithë këtë, kjo kërkon të ngrihemi të gjithë. Një kandidaturë me një ekip nga pas. Qytetarët na kërkojnë të ngrihemi në këmbë", është shprehur Tabaku.

Por çfarë fshihet pas kësaj tërheqjeje për të garuar për Bashkinë e Tiranës?

Gjatë fushatës, Jorida në çdo takim me votues, por sidomos me sponsorë, theksonte se ajo duhej të ishte patjetër në Kuvend sepse do të kandidonte për kryetare të Bashkisë Tiranë. Ndërsa tani na thotë se puna e saj është në Parlament.

Ka qenë vetë Jorida ajo që ka kërkuar gjithmonë të kandidojë, tani që mundet nuk kandidon.

Kjo pasi Jorida do të kandidojë vetëm atëherë kur fiton, nuk do të marrë sfidat, nuk do të hyjë në gara të përballet qoftë dhe me humbjen për integritet politik.

E gjithë kjo tregon se Jorida nuk është një politikane që kërkon të ardhme të ndritur dhe të shkëlqejë, por është një politikane që preferon të marrë një mandat deputeti, të marrë atë rrogën si ata veteranët që janë atje dhe nuk përbën ndonjë ndryshim të madh. Nuk merr sfida, nuk përballet qoftë edhe duke ditur që po humbet. Nuk ka kurajën të dalë në garë as me shoqen e saj të bankës me Ogerta Manastirliun që të bëjë diferencën mes gjithë qytetarëve.

Kjo tregon që kemi të bëjmë me një politikane, e cila thjesht po na shfaq publikisht fytyrën e vërtetë të interesit të saj që është karrigia jo gara, jo politika e vërtetë, por fshehja dhe përfitimi./ CNA