web counter
LEXO PA REKLAMA!

SHKARKO APP

App Store
Google Play

E fundit!

x

Dekretimi i "Diellës"/ Juristi: Nuk ka status juridik, tregon injorancë kushtetuese

16 Shtator 2025, 22:44, Politikë CNA

Dekretimi i "Diellës"/ Juristi: Nuk ka status juridik, tregon

Juristi Jordan Daci i ftuar në emisionin “Opinion” nga gazetari Blendi Fevziu ka folur për ministren virtuale “Diella” dhe dekretimin e saj.

Daci ka deklaruar se “Diella” nuk ka status juridik dhe në këtë aspekt është shkelje, nuk mund të dekretohej.

Më tej, Daci tha se nuk është serioz fakti që “Diellës” iu dha vlerë juridike dhe kjo gjë tregon injorancë kushtetuese.

“Nuk mund të ketë staf, patjetër staf teknik, por jo. Në asnjë vend të botës, shpresoj të mos vijë koha që stafet të varen nga sistemet elektronike, se pastaj i bie të jemi te Matrix-i. Presidenti këtë gjë të paktën e kishte bërë; është në varësi të kryeministrit. Një krijesë që nuk është në asnjë vend të botës. Është shumë herët për këtë. Zero nuk ka status juridik. Do duhet të shkojë në gjyq, algoritmi i saj do duhet t’u vihet palëve në dispozicion në një proces ligjor dhe pastaj nuk hyn më. Në kuptimin formal juridik është shkelje dhe nuk mund të ishte dekretuar. Në kuptimin politik, Rama është mjeshtër për këtë. Gjithsesi, qëllimi dhe ideja nuk është as për t’u kritikuar dhe as për të bërë humor, sepse bota atje po shkon. Por dhënia e një vlere juridike nuk është serioze. Nuk e pengonte qeverinë të ngrinte një projekt pilot, por tentativa për ta bërë një gjë të tillë tregon një injorancë kushtetuese”, tha Daci./CNA





Lajmet e fundit nga