web counter
LEXO PA REKLAMA!

SHKARKO APP

App Store
Google Play

E fundit!

x

“Janë një tufë brumbujsh”/ Murrizi: Ata që u futën në listat e mbyllura nuk kanë marrë asnjë votë

16 Shtator 2025, 16:42, Politikë CNA

“Janë një tufë brumbujsh”/ Murrizi: Ata që u

Ish-deputeti, Myslym Murrizi, i quajti sot kandidatët garues në listat e mbyllyra të PD-së si një tufë brumbujsh, që sipas tij flasin në kurriz të qytetarëve edhe pse nuk kanë marrë asnjë votë.

Në një studio televizive, Murrizi u shpreh kritik edhe lidhur me rezultatet e shprehura në vota të disa prej emrave kryesorë brenda Partisë Demokratike.

Murrizi theksoi edhe një herë rolin e opozitës për ndërmarrjen e nismave ligjore, që sipas tij po i dëgjon vetëm nga goja e Rames.

“Aty janë një tufë brumbujsh, që u futën në listat e mbyllura si qelbësira, dhe tani flasin në emër të qytetarëve! Të kujt qytetarëve? Këta nuk kanë asnjë votë në kurriz. Më thuaj sa vota ka marrë Berisha? 0, se 7250 vota janë të miat. Shumicën e votave, PD i mori nga emra, 18 mijë ka Tabaku, 17 mijë Alihmehmeti, 7330 Asllan Dogjani, 7200 Myslimi.

Pra sa vota ka Strazimiri, Ina Zhupa, Gaz Bardhi, Gent Strazimiri  apo Boçi? Që unë të shkoj pas tyre, duhet që këta sot të flasin për reformën zgjedhore që t’i japin fund këtij çifti bastard Bylykbashi-Gjiknuri.

Opozita ka vetëm fjalën dhe të marrë nisma që të mbrojë qytetarët dhe kauzat e tyre. Ato nisma që duhet t’i dëgjoj nga opozita, i dëgjoj nga goja e Ramës, sepse për sa kohë që unë nuk kam dëgjuar asnjë fjalë nga Berisha për 101 deputetët kam dilemat e mia”,- tha Murrizi./CNA





Lajmet e fundit nga