web counter
LEXO PA REKLAMA!

SHKARKO APP

App Store
Google Play

Ndryshimet në komisionet parlamentare/ Berisha-Peleshit: Po provokoni opozitën duke e përjashtuar

16 Shtator 2025, 12:50, Politikë CNA

Ndryshimet në komisionet parlamentare/ Berisha-Peleshit: Po provokoni

Kryetari i Partisë Demokratike, Sali Berisha, në fjalën e tij në Kuvend ka hedhur akuza në drejtim të kryetarit Niko Peleshi, duke e akuzuar se ka shkelur Kushtetutën dhe Rregulloren. Berisha tha se ky është provokim për opozitën duke iu referuar ndryshimit të komisioneve parlamentare dhe ndryshimeve në rregullore të propozuara nga PS.

 

"Të fillosh detyrën duke shkelmuar Kushtetutën, duke përjashtuar të gjitha hapësirat e përcaktuara nga Kushtetuta, damkos në mënyrë përfundimtare veten tënde, tregon se nuk je gjë tjetër, vetëm një sekretar mjeran i kreut të organizatës kriminale të Shqipërisë, që e ka emrin Edi Rama.
Shkelmimi i Kushtetutës, është shkelmim i vullnetit të qytetarëve shqiptarë të të gjithë spektrit, shkelmimi i Kushtetutës është një puç që i bëhet librit të shtetit, vetëm e vetëm se ju doni me shpejtësi të lani duart si Ponç Pilati pas krimit që kryeni.
Si ka mundësi, a keni ju, çfarë të thuash, njerëz që lexojnë Kushtetutën? A ke ti këshilltarë që paguan që të të lexojnë ty Kushtetutën dhe rregulloren e Parlamentit, e cila për Parlamentin është Kushtetuta e Parlamentit, është ligji më i rëndësishëm i vendit, pas Kushtetutës.
Pra, aq peshë sa ka Parlamenti në jetën e një shteti dhe të vendit.
Ky është një provokacion i ulët që ju i bëni rendit kushtetues të vendit. Ky është një provokacion i ulët, që ju u bëni qytetarëve të këtij vendi, që i bëni opozitës së këtij vendi.
Akt i turpshëm! Çfarë do të thotë kjo? Çfarë e keni ju Kushtetutën, statutin e partisë suaj të krimit e keni atë, që silleni në këtë mënyrë?
Prandaj dhe merr vendimin, mblidhi këshillat dhe të zbatohet Kushtetuta", tha Berisha./CNA





Lajmet e fundit nga