web counter
LEXO PA REKLAMA!

SHKARKO APP

App Store
Google Play

E fundit!

x

Kandidatura e Manastirliut/ Ndoka: Bashkia problem i madh kur ke Ramën kryeministër, mund të kesh fatin e Veliajt

16 Shtator 2025, 08:57, Politikë CNA

Kandidatura e Manastirliut/ Ndoka: Bashkia problem i madh kur ke Ramën

Kreu i Partisë Demokristiane, Nard Ndoka, ka folur për shkarkimin politik të Erion Veliajt dhe kandidaturën e Ogerta Manastirliut për Bashkinë e Tiranës.

I ftuar në emisionin "Kafe Shqeto", Nard Ndoka u shpreh se Rama ështe i trembur dhe kjo u duk edhe në sytë e vetë kandidates Ogerta Manastirliu përtej emocioneve për detyrën e re të ngarkuar.

Sipas Ndokës, Bashkia e Tiranës është një problem i madh kur ke kryeministër Ramën, pasi mund të kesh fatin e paraardhësit (i referohet Veliajt).

“Rama është i rrezikshëm se megjithëse ka qenë prej tri mandatesh kryetar bashkie dhe atëherë kërkonte decentralizim ligjor, të kishte pavarërsinë e tij në taksa. Kur erdhi në pushtet i harroi parimet që i kishte kërkuar në atë kohë dhe sot kemi një personazh që shkel Kushtetutën, u kërkon kryebashkiakëve shkarkimin e nënkryetarëve të tyre. Është një proces që vjen normal dhe nga Këshilli Bashkiak. Oreksi i Ramës është thjesht se nuk i pëlqejnë. Do të vendosë autoritet edhe mbi ta.

Duke e parë në këtë sens shoh një rrezik të shtuar nga Rama, që është narcist. Mendon se kontrollon çdo cep të territorit. Nuk mjaftohet me ushtarët e tij, por tenton edhe tek opozita.

Opozita nesër me këtë person do ta ketë të vështirë. Nuk do të jetë e lehtë, do të kemi një garë që opozita do të jetë e qartë, do të ushtrojë garë të fortë. Janë faktorë të tjerë që do të ndikojnë në këtë përballje.

Është i trembur. Madje kjo u duk edhe në sytë e vetë kandidates. Përtej emocioneve ishte një trembje e madhe. Nesër do të heqë dorë nga mandati i deputetit dhe mund të mbetet jashtë politikës. Bashkia është problem i madh kur ke kryeministër Ramën. Mund të kesh fatin e paraardhësit. Është një frikë e madhe. Sekti Veliaj ka qenë i madh në bashki. Ka kontrolluar drejtorët edhe në aspektin e votave. Një paralelizim me zgjedhjet e fundit përballë Këlliçit. Unë them e ka fituar këtë garë se arriti të demaskojë çdo personazh që futi duart në zgjedhje dhe vodhi votat. Duke e ndjekur Veliajn këmba-këmbës me prova, fakte, me denoncime në SPAK. Më këtë përballje opozita ka një avantazh. Në garë vërtetoi se votat janë të vjedhura.

Kemi një Tiranë në kaos gjithandej, jo vetëm prej ndërtimeve, kullave, por çdo gjë rëndon në jetën e qytetarëve në çdo sektor”, tha Ndoka./ CNA





Lajmet e fundit nga