web counter
LEXO PA REKLAMA!

SHKARKO APP

E fundit!

x

“Duhet burrni të japësh dorëheqjen”/ Alimehmeti: Pse Rama e shkarkoi Veliajn në shtator

16 Shtator 2025, 08:37, Politikë CNA

“Duhet burrni të japësh dorëheqjen”/ Alimehmeti: Pse

Anëtari i Këshillit Bashkiak të PD-së, Ilir Alimehmeti, ka folur për zgjedhjet e parakohshme në Bashkinë e Tiranës.

I ftuar në "Kafe Shqeto", Alimehmeti foli për shkarkimin e Veliajt duke theksuar se duhet burrni të japësh dorëheqjen, por gjithashtu theksoi se ka një prapaskenë pse Rama priti shtatorin për ta shkarkuar.

“Kush është prapaskena që mendoj unë. Edi Ramën e kemi parë ka uzurpuar çdo pushtet në Shqipëri.

Kontrollin e territoreve filloi ta merrte vetë. Drejtorët e bashkive po i hiqte vetë. Tregon se ai është autokrati i Shqipërisë. Ky vendos, ky emëron. Nuk kuptoj se pse bën zgjedhje.

Pyetja e madhe, pse u kujtua në shtator? E dinte që Erion Veliaj ishte në burg që në shkurt. S'e njeh ligjin që është kryeministri që e shkarkon për shkelje të ligjit dhe Kushtetutës. Duhet burrni të japësh dorëheqjen.

Rama tha nisni ju procedurat për shkarkimin, prapë Rama do ta shkarkojë, Këshilli Bashkiak thjesht do të konstatojë se ai nuk ka ardhur në punë që e di gjithë Shqipëria.

Rama e bën edhe ligjin, edhe Maliqin. Margaret Thatcher ka thënë se socialistët kanë frikë nga zgjedhjet e lira sepse njerëzit nuk do t'i zgjidhnin ata.

Ne do t’i qëndrojmë kësaj pune, do t’i vendosim moralin përballë, me arbitër ndërkombëtar”, tha Alimehmeti./ CNA





Lajmet e fundit nga