web counter
LEXO PA REKLAMA!

SHKARKO APP

App Store
Google Play

E fundit!

x

“Proces i turpshëm”/ Bushati: Me gjyqin e Hagës, fillon rishkrimi i historisë për liderët e UÇK-së

15 Shtator 2025, 21:52, Politikë CNA

“Proces i turpshëm”/ Bushati: Me gjyqin e Hagës, fillon

Analisti Andi Bushati komentoi sot lidhur me procesin gjyqësor që zhvillohet në Hagë ndaj ish-krerëve të UÇK-së.

I ftuar në ‘Syri Tv’, Bushati theksoi se e gjithë procedura gjyqëore përbën një proces të turpshëm.

Bushati shtoi se ky proces ka nisur edhe rishkrimin e historisë për rolin e liderëve të UÇK-së.

“Unë besoj që ata burrat që janë në Hagë nuk janë të fajshëm. Por është tjetër gjë akuza juridike që i bëhet dhe tjetër mënyra si po mbrohen. Ajo që tha sot Rubin nuk ishte rastësi. Ishte vija mbrojtëse që mbrojtja e Hashim Thaçit ka bërë në Hagë.

Thaçit nuk i binden komandatëve, ishte thjesht një zëdhënës i komandantëve. ishte një ministër i Jashtëm i kësaj ushtrie. Pra kishte një rol minor.

Kur këta u morën të pandehur nisi lëvizja 'Liria ka emër!, UÇK-ja ka emrin e këtyre burrave". Por nëse liria ka emrin e këtyre 4 burrave, atëherë ata kanë qenë vendimtarë dhe jo zëdhënësa të komandantëve.

Frika ime është që, sidoqë të përfundojë gjyqi në pranverë apo më vonë, - Ishalla janë të pafajshëm, e kthehen në shtëpi.. - por ky proces, edhe po si dënoi, po fillon rishkrimin e historisë mbi rolin e liderëve të UÇK-së. Kur del Hashim Thaçi e thotë nuk më bindet njeri.

E besoj fabulën që UÇK-ja nuk ka qenë trupë që i bindej Thaçit. Dhe për mbrojtjen e tij juridike mund të ketë të drejtë, por mbrojtja juridike thërmon mitin se kjo ka qenë ushtria e Hashim Thaçit e Kadri Veselit. Ata kanë qenë – e unë besoj se është e vërtet, sic tha Rubini sot - zëdhënësa politikë të një lëvizjeje  që ka qenë patriotike, kaotike, e shpërdarë e me celula.

Nuk besoj se Ramushi i bindej Hashimit se do të bëjmë këtë aksion. Ramushi merrte familjen e shkonte atje ku i thoshte koka. Por ky rishkrim i historisë që po ndodh forcon mitin e  UÇK-së. Secili ka qenë patriot në ngastrën e tij. Dikush në një zonë e dikush në një zonë tjetër, por ama zvogëlon mitin e atyre që u rekën të privatizojë atë që përfaqësonte UÇK. Nuk e di, kjo mund të jetë juridikisht e përfitueshme për Thaçin e Veselin, por nuk di sa i shërben mitit që ata kanë ngritur këto 20 vite. Për mua e thërmon mitin....

...Kjo gjykatë nuk duhej të ekzistonte fare. Ai është proces i turpshëm por mënyra si po mbrohen këta, e ul mitin që për 20 vite i ngritën vetes”,- tha Bushati./CNA 

 





Lajmet e fundit nga