web counter
LEXO PA REKLAMA!

SHKARKO APP

App Store
Google Play

E fundit!

x

“Nuk duhet humbur asnjë minutë”/ Teliti: PD të dalë sa më shpejt me kandidatin për Bashkinë Tiranë

15 Shtator 2025, 19:42, Politikë CNA

“Nuk duhet humbur asnjë minutë”/ Teliti: PD të

Nënkryetari i Këshillit Bashkiak të Tiranës, Dorjan Teliti u shpreh sot se duke parë situatën dhe kohën në dispozicion, Partia Demokratike duhet të dalë sa më shpejt me një kandidat për Bashkinë Tiranë.

Në një intervistë në A2CNN, Teliti deklaroi se Do jetë vendim i lidershipit të PD-së.

Teliti shtoi se në ditët në vijim strukturat drejtuese nga lidershipi e kryesia të japin vendimmarrjen përkatëse se kush do të jetë ai apo ajo që do të përfaqësojë opozitën në këtë garë elektorale.

“Duke qenë se janë zgjedhje të parakohshme koha për primare nuk premton. Për mua nuk duhet humbur asnjë minutë kohë, duhet të dalim sa më shpejt me kandidatin. Për të dalë në terren me qytetarët një orë e më parë. Duhet të jemi te qytetarët me ekipin, programin e vizionin për t’i bindur ata pse ne jemi alternativa më e mirë. Kjo ka vlerë nëse do jemi subjekt i zgjedhjeve normale.

 Do jetë vendim i lidershipit të PD-së. Do jetë i vendim i vështirë, sepse ka me dhjetëra emra që janë dinjitozë për të përfaqësuar PD dhe gjithë opozitën në këtë garë. Kemi kandidatura të shkëlqyera jo vetëm për të përfaqësuar, por për të fituar garën e Tiranës. Kryesia do jetë në vështirësi për të zgjedhur se ju siguroj që emrat janë njëri më i mirë se tjetri.

 Për atë që do të marrë besimin duhet të presim. Në ditët në vijim strukturat drejtuese nga lidershipi e kryesia të japin vendimmarrjen përkatëse se kush do të jetë ai apo ajo që do të përfaqësojë opozitën në këtë garë elektorale pjesore për Bashkinë e Tiranës.

Nuk e kuptoj pse është kjo vonesë. Një orë e më parë të mbledhim Këshillin Bashkiak të bëjmë shkarkimin dhe t’i drejtohemi Këshillit të Ministrave të hapet vakanca dhe KQZ të njoftojë presidentin për të dekretuar datën e zgjedhjeve”,- tha Teliti./CNA

 





Lajmet e fundit nga