web counter
LEXO PA REKLAMA!

SHKARKO APP

App Store
Google Play

E fundit!

x

Projekti TID Durrës/ FRPD: Po kryhen shpronësime të padrejta, selektive dhe abuzive

15 Shtator 2025, 11:51, Politikë CNA

Projekti TID Durrës/ FRPD: Po kryhen shpronësime të padrejta,

Anëtari i Kryesisë së PD-së, Orest Berberi, ka denoncuar një padrejtësi që sipas tij po u bëhet qytetarëve të Durrësit.

Berberi ka deklaruar se në emër të projektit të ashtuquajtur TID Durrës, po kryhen shpronësime të padrejta, selektive dhe abuzive.

Ai thekson se qytetarëve po u ofrohen çmime shpronësimi dy herë më të ulëta se tregu.

Po ashtu shpjegon se procesi po kryhet pa njoftime dhe pa asnjë shkresë zyrtare.

Sipas tij, është një proces selektiv dhe arbitrar, ku disa prona prishen dhe disa të tjera jo, sipas interesave klienteliste dhe jo sipas ligjit.

“Sot nga selia e Partisë Demokratike dua të denoncoj një tjetër padrejtësi të rëndë që po u bëhet qytetarëve të Durrësit.

Në emër të projektit të ashtuquajtur TID Durrës, po kryhen shpronësime të padrejta, selektive dhe abuzive.

Qytetarëve të thjeshtë u prishet prona, ndërsa për individët e fortë të mazhorancës 'ngërçet ligjore' shpëtojnë pronat e tyre nga shembja!

Së pari, qytetarëve po u ofrohen çmime shpronësimi dy herë më të ulëta se tregu. Ky nuk është kompensim, por grabitje me firmë dhe vulë shteti.

Së dyti, procesi po kryhet pa njoftime dhe pa asnjë shkresë zyrtare. Banorët nuk kanë asnjë transparencë dhe asnjë mundësi ligjore për t’u mbrojtur.

Së treti, kemi të bëjmë me një proces selektiv dhe arbitrar, ku disa prona prishen dhe disa të tjera jo, sipas interesave klienteliste dhe jo sipas ligjit.

Dhe më e rënda, është hipokrizia e këtij projekti: ndërkohë që qytetarëve u shkatërrohen pronat në emër të 'trashëgimisë kulturore', vetëm pak metra më tutje ngrihen kulla shumëkatëshe të betonit. Pra, trashëgimia shërben si justifikim për të dëmtuar qytetarët, ndërsa për klientelën e pushtetit hapet rruga e kullave.

Përgjegjës për këtë grabitje është vetëm një: Kryeministri Edi Rama, i cili me këtë projekt po shet Durrësin te klientët e tij. Zbatuesja lokale e këtyre urdhrave është kryetarja e bashkisë, Emiriana Sako, e cila ka zgjedhur të heshtë dhe të bëhet pjesë e kësaj afere kundër qytetarëve.

Kërkesa urgjente ndaj qeverisë dhe bashkisë është:

Të ndalojnë menjëherë këtë proces të paligjshëm;

Të rishikojnë vlerat e shpronësimeve sipas tregut real;

Të japin transparencë të plotë për çdo vendim;

Dhe të ndalojnë selektivitetin dhe klientelizmin që po shkatërrojnë qytetin.

Durrësi nuk është pronë e Edi Ramës dhe as e Emiriana Sakos. Durrësi është i qytetarëve të tij dhe ne nuk do të lejojmë që të shitet për interesa private”, tha Berberi./ CNA





Lajmet e fundit nga