web counter
LEXO PA REKLAMA!

SHKARKO APP

App Store
Google Play

Peleshi thërret të hënën krerët e grupeve parlamentare, çfarë pritet të ndodhë javën e ardhshme

13 Shtator 2025, 10:16, Politikë CNA

Peleshi thërret të hënën krerët e grupeve parlamentare,

Java e ardhshme do të jetë mjaft e ngjeshur për Kuvendin.

Kryetari i ri i zgjedhur i Kuvendit, Niko Peleshi ditën e hënë do të thërrasë në një mbledhje krerët e grupeve parlamentare për tu kërkuar emrat për kryesitë dhe anëtarësitë e komisioneve si dhe përbërjen e organeve të tjera si Byroja apo delegacionet.

Një ditë më pas, e marta do të vijojë me një seancë plenare për votimin e anëtarësisë së komisioneve, për ndryshimet në Rregulloren e Kuvendit si dhe për skemën e re të komisioneve.

Të martën do të ngrihet Këshilli për Rregulloren e Mandatet dhe më pas këshilli do kalojë rregulloren e re, e cila do të votohet në po të njëjtën ditë në një seancë tjetër plenare që do të zhvillohet pasdite.

Të mërkurën, kryetari i Kuvendit Niko Peleshi mbledh Konferencën e Kryetarëve, ku vendoset koha për debat për qeverinë dhe programin.

Më pas do të mbahet një seancë maratonë debati mbi programin e qeverisë, kabinetin e ri qeveritar dhe votimin e tyre.

Të premten qeveria e re betohet te Begaj.

Kujtojmë se një ditë më parë u zhvillua dhe seanca e parë parlamentare e cila në fakt ishte një vazhdim i legjislaturës së vjetër pasi u shoqërua me tensione dhe debat, ku opozita bllokoi foltoren dhe hodhi akuza ndaj mazhorancës./ CNA





Lajmet e fundit nga