web counter
LEXO PA REKLAMA!

SHKARKO APP

App Store
Google Play

“Ka degraduar jeta parlamentare”/ Këlliçi: Në Kuvend, figura anonime dhe pa qasje publike

12 Shtator 2025, 21:07, Politikë CNA

“Ka degraduar jeta parlamentare”/ Këlliçi: Në

Deputeti i Partisë Demokratike, Belind Këlliçi e cilësoi si shqetësuese përbërjen e parlamentit të ri, pasi sipas tij, disa nga figurat e reja e kanë degraduar jetën parlamentare.

Në një intervistë në ‘Syri Tv’, Këlliçi tha se në kuvendin e ri, fokusi duhet të jetë në çështje me interes të drejtpërdrejtë të qytetarëve shqiptare, si shpopullimi dhe pensionet.

“Më vjen sinqerisht keq që shkuam në një sallë ku në fakt do të duhej të kishte debat, diskutim për reforma, për ndaljen e shpopullimit që është një çështje që prek Shqipërinë e 2025, por edhe Shqipërinë e 2040 edhe më radhë.

Të flitej për pensionet, për çështje që kanë interes e drejtpërdrejt me qytetarin shqiptar dhe ndërkohë si mos të ndihesh keq kur në votimin e parë, në rastin e parë, që i jepet mundësia kësaj mazhorance për të votuar një prej anëtarëve të saj, shkon dhe çon shkun e ngushtë te Klodian Zotos, prestanomes së inceneratorit të Tiranës, të Fierit dhe të Elbasanit, Niko Peleshin e çon kryetar kuvendi.

Si mos ndjehesh keq kur shikojë që kësaj deputete që ka marrë 20 mijë vota në Elbasan, Sara Miles, i thërrisnin deputete të opozitës ‘miss burg’, dhe ajo përgjigjej ‘jam princeshë, jam princesha e burgjeve’, dhe ndërkohë i tregonte ai krehu i komisionit, si e votonte, nuk dinte të votonte, i thoshte voto pro, votonte pro, besoj do dalin pamjet. Janë simbolike këto, janë detaje, sigurisht janë edhe krejt të vogla, sidomos ajo e Niko Peleshit, por edhe kjo tjetra që tregon se ku ka degraduar jeta parlamentare.

Si mund të mos ndihesh keq kur në rreshtin e parë ishte dikush që asnjë nuk po e njihte, kishin një debat rreth 15 deputetë të PS, ore kush është ky i ulur në rresht të parë, ishte Arkend Balla, ky që ka marrë 21 mijë vota në Durrës, ky që ka marrë 5 mijë vota më shumë se Edi Rama, nuk është askush, është një person anonim, është një individ anonim që nuk ka folur ndonjëherë në jetën e vet, nuk ka një qasje publike, nuk ka një informacion në Google për të.

Sot keni parë një simbolikë të gjetur nga ana e deputetëve të opozitës, ku zoti Berisha i pari kur ka qenë moment i votimit ka shkuar me foton e McGonigal, para kutisë së votimit, për të treguar mikun e ngushtë të Edi Ramës”,-tha Këlliçi./CNA

 





Lajmet e fundit nga