web counter
LEXO PA REKLAMA!

SHKARKO APP

App Store
Google Play

Rama prezantoi ministren me IA/ Malaj: Në rastin e inteligjencës artificiale, kemi riskun e hakerimit

12 Shtator 2025, 16:21, Politikë CNA

Rama prezantoi ministren me IA/ Malaj: Në rastin e inteligjencës

Ish-ministri Arben Malaj komentoi sot lidhur me vendimin e kryeministrit Edi Rama që prezantoi një ministre me inteligjencë artificiale për prokurimet publike.

Në fjalën e tij në një emision televiziv, Malaj u shpreh se nëse në rastin fizik është risku i  korruptimit, në rastin e inteligjencës artificiale është risku i hakerimit.

Malaj shtoi se për këto situata, siguria kibernetike në vend duhet të jetë tepër e lartë.

“Ka një debat të madh për kufijtë e inteligjencës artificiale, deri te superinteligjenca që kalon kapacitetet e qënies njerëzore. Kjo sot në botë diskutohet për të mirat që ka dhe për rrisqet që ka. Pra nuk ka një gjë që është thjeshtë e mirë dhe nuk ka të këqija. Përfundimisht është arritur konkluzioni që ne do ta përballojmë të ardhmen tonë jo duke injoruar inteligjencën artificiale. Por duke e njohur dhe duke e përdorur. Ajo që është e çuditshme në rastet politike është absolutizimi që i bëhet inteligjencës artificiale.

Në fund të fundit ai është një softuer i cili do të programohet dhe do t’i jepet ministrisë së inteligjencës artificiale ta përdorë. Por nëse në rastin fizik kemi rriskun e korruptimit, në rastin e inteligjencës artificiale kemi rriskun e hakerimit. Dhe unë nuk jam plotësisht dakord. Ne e provuam me e-government, që ka shumë arritje, por na dha një mësim, që ne ecëm shumë shpejt me aplikimin e saj, pa krijuar atë që quhet siguria kibernetike.

Ne arritëm në atë nivel, që aq të dobët e kishim sigurinë kibernetike, sa edhe sekretet e agjencisë tonë kombëtare të shërbimeve sekrete, dolën në rrjetet sociale. Dhe rrisku që një ministër digjital të hakërrohet është i barabartë me rriskun që një ministër fizik të korruptohet, kështuqë që siguria kibernetike është gjë e madhe”,- tha Malaj./CNA





Lajmet e fundit nga