web counter
LEXO PA REKLAMA!

SHKARKO APP

App Store
Google Play

E fundit!

x

Berisha, në sulm ndaj Dumanit/ "Veliaj ishte llosh, Rama i kërkoi të lobonte për Kondilin"

15 Shtator 2025, 10:58, Politikë CNA

Berisha, në sulm ndaj Dumanit/ "Veliaj ishte llosh, Rama i kërkoi

Kreu i PD-së, Sali Berisha, pas daljes së tij nga SPAK-u, ku zbatoi masën e sigurisë "Detyrim paraqitjeje", para gazetarëve ka sulmuar kreun e SPAK-ut, Altin Dumanin, duke u kthyer në kohën kur u zgjodh si drejtues i Prokurorisë së Posaçme.

Berisha tha se burime të afërta pranë Veliajt thonin se Edi Rama i kishte kërkuar kryebashkiakut në atë kohë të lobonte për Edvin Kondilin, ndërsa nga ana tjetër me të huajt Rama thoshte se kandidati i tij ishte Dumani.

Kryedemokrati tha se Erion Veliaj ishte llosh dhe nuk e dinte këtë gjë dhe kishte thënë se do të mbështeste Kondilin.

“Ka ndodhur se puçisti Altin Dumani mori përgjigjen e merituar, mandati yt mbaroi, përfundoi. Ky ishte lajmi kryesor. Hiq dorë nga çdo përpjekje për të përdhosur Kushtetën. Të gjithë ata aty, nuk di ndonjërin që nuk është emëruar nga Rama dhe pseudomazhoranca e tij. Siç e shpjegova, nga burime absolutisht më të afërta me Erion Veliajn, rezulton se Edi Rama i ka kërkuar Erion Veliajt në kohën e zgjedhjes së kryetarit, të punojë për Kondilin. Ai është angazhuar me të gjithë forcën. Të njëjtën gjë i ka kërkuar Lubi Ballukut. Nga fundi, një nga të huajt me të cilët Rama bashkëpunonte për të nxjerrë Dumanin i thotë 'po ti Erion nuk je dakord me Ramën që bën lobim me Kondilin', Erioni ngeli pa mend, si llosh që ishte tha që unë punoj për këtë tani. Kjo ishte e vërteta e zgjedhjes së Dumanit. Është zgjedhur me dinakëri të Ramës duke hequr shanset e tjerëve dhe duke punuar me gjithë forcën gjoja për Kondilin dhe ndërkohë punonte me të huajt e u kishte thënë që kandidati im është Dumani. Mundësisht shko pyete Erion Veliajn në burg se ça të thotë”, tha Berisha./ CNA





Lajmet e fundit nga