web counter
LEXO PA REKLAMA!

SHKARKO APP

App Store
Google Play

E fundit!

x

Xhaferri: Edvin Diella do të nisë të sulmojë prokurorë e gjyqtarë që sekuestrojnë pronat e trafikantëve

15 Shtator 2025, 15:40, Politikë CNA

Xhaferri: Edvin Diella do të nisë të sulmojë prokurorë

Deputeti i Partisë Demokratike, Besart Xhaferri, ka reaguar me anë të një postimi në rrjetet sociale për sulmet e bëra nga kryeministri Rama ndaj gjyqtarëve.

Xhaferri shkruan se Rama do të nisë të sulmojë dhe prokurorët apo gjyqtarët që marrin vendime për sekuestrimin e pronave të trafikantëve.

Më tej, deputeti i PD-së u ndal edhe te sekuestrimi i pasurive i bërë sot nga Prokuroria e Durrësit, ku tha se nuk do të jetë çudi që Rama të sulmojë prokurorin që kërkoi sekuestrimin.

“Edvin Diella, gardiani i gjyqtares me tre mbiemra do nisë të sulmojë edhe Prokurorë e Gjyqtarë që marrin vendime për të sekuestruar pronat e trafikantëve të drogës!

Prokuroria e Durrësit sot sekuestroi 33 apartamente dhe 20 prona të tjera të një trafikanti droge , duke legjitimuar alarmin e ngritur nga DASH për kthimin e Shqipërisë në oazin e pastrimit të parave të Narkotrafikut me bekimin e Arkitektit të kanabizimit të vendit.

Nuk do jetë çudi që Edi (Diella) gardiani i gjyqtares me tre mbiemra e të dënuar në Greqi, në turin e sulmeve ndaj gjyqtarëve e prokurorëve të linçojë  dhe këtë prokurorin që ka kërkuar sekuestrimin e 33 pasurive të një trafikanti, vendim që ishte një poshtërim dhe për SPAK.

Edi (Diella) prej kohësh ka nisur një tur linçimi publik ndaj gjyqtarëve dhe prokurorëve dhe është në të drejtën e tij ta bëjë sa kohë asnjë Prokuror nuk merr guximin ta thërrasë për lejet e ndërtimit për drejtues të karteleve të drogës, fenomen për të cilin dhe Departamenti Amerikan i Shtetit ka vënë kujën”, shkruan Xhaferri./CNA





Lajmet e fundit nga