web counter
LEXO PA REKLAMA!

SHKARKO APP

App Store
Google Play

“Hera e parë në histori që zgjedhim me kë martohemi”/ Rama: Duam të jemi pjesë e Perandorisë së BE-së

16 Shtator 2025, 09:50, Politikë CNA

“Hera e parë në histori që zgjedhim me kë

Kryeministri Edi Rama, në një konferencë për shtyp bashkë me Komisioneren për Zgjerimin, Marta Kos, u shpreh se është hera e parë në histori që Shqipëria zgjedh me kë do të “martohet”.

Rama theksoi se Shqipëria dëshiron të jetë pjesë e Perandorisë së BE-së. Po ashtu vlerësoi edhe mbështetjen e marrë nga Danimarka për negociatat për anëtarësimin në BE.

"Kjo nuk ka të bëjë me marrjen e një shpërblimi njëherë e përgjithmonë, por te realizohemi çdo ditë. E dimë që ka sfida dhe duhen shumë përpjekje, e dimë që nuk ka asnjë rrugë tjetër. Kjo është hera e parë për ne në histori që zgjedhim me kë të martohemi. Kjo është një perandori pjesë e së cilës duam të jemi. Nje perandori të drejtash sigurie e sigurimi ku më së fundi qytetarët tanë do të sigurohen që të drejtat dhe liritë e tyre nuk do t'u merren nga askush më pas. Danimarka ka shumë për të bërë dhe ministrja ka një ditë të gjatë para saj dhe gjëra të tjera për të bërë për të vijuar me detyrimet.

Ishte diçka që vërtet na erdhi mirë kur pamë Barometrin që përmendi Marta dhe kur u kuptuam që populli danez është një ndër mbështetësit më të mëdhenj të anës sonë. Duhet ta përhapim këtë në Europë dhe askush të mos guxojë të na bllokojë, mes nesh dhe vikingëve është një sipërmarrje që është e rrezikshme", tha Rama./ CNA





Lajmet e fundit nga