web counter
LEXO PA REKLAMA!

SHKARKO APP

App Store
Google Play

E fundit!

x

Integrimi/ Marta Kos: Shqipëria ka ecur shpejt, mbështes planin tuaj për të mbyllur negociatat në 2027

16 Shtator 2025, 09:16, Politikë CNA

Integrimi/ Marta Kos: Shqipëria ka ecur shpejt, mbështes planin tuaj

Komisionerja për Zgjerimin, Marta Kos, ka vlerësuar punën e Shqipërisë për procesin e anëtarësimit në BE.

Sot janë hapur katër kapituj të tjerë me BE-në. Kos theksoi se Shqipëria ka ecur shumë shpejt dhe se e mbështet planin për të mbyllur negociatat deri në vitin 2027.

Konferenca mes Ramës dhe Marta Kos.

Kos: Shqipëria ka ecur shumë shpejt. Kur erdha në dhjetor thuajse gjithçka ishte me të kuqe. E kuqja tregon që nuk janë hapur, e verdha tregon që është hapur dhe e gjelbra është që është mbyllur provizorisht.  

Rama: Atëherë do ta vendosim tek e verdha.

Kos: Po. Mesa duket sapo kemi çelur një tjetër grupkapitull. Keni nderin që ndërsa unë heq të kuqen ju do të vendosni ngjyrën e re.

Rama: Në rregull. Kanë mbetur dhe katër të tjerë për t'u hapur të gjitha.

Kos: Mbështes fort planin tuaj për të mbyllur negociatat, që do të thotë të jenë të gjitha me të gjelbër deri në vitin 2027 dhe pastaj sigurisht t’ju kemi në BE sa më shpejt të jetë e mundur. Për mua është thellësisht mbresëlënës përkushtimi juaj personalisht dhe kjo lidhet me drejtimin dhe punën e ekipit që po ecën mirë. Urime edhe një herë, është privilegj të punoj me ju.

Rama: Dua të falënderoj ekipin tuaj në Shqipëri që na rri gjithmonë mbi kokë për të siguruar që të mos shpërqendrohemi dhe që të mos e mendojmë në përmasë më të madhe për veten nga ç’duhet.





Lajmet e fundit nga