web counter
LEXO PA REKLAMA!

SHKARKO APP

App Store
Google Play

Diella dhe struktura e re e komisioneve/ Berisha: Do t’i çojmë në Gjykatën Kushtetuese

16 Shtator 2025, 14:37, Politikë CNA

Diella dhe struktura e re e komisioneve/ Berisha: Do t’i çojmë

Kreu i PD-së, Sali Berisha, në mbledhjen me grupin parlamentar të PD-së, ka bërë me dije se dy aktet e pashembullta, dekretin e presidentit për Diellën dhe ndryshimet e komisioneve do t’i dërgojë në Gjykatën Kushtetuese që të arkivohen në banesën e turpit të historisë.

“Mendoj të dyja aktet që bënë aktin e pashembullt të presidentit të Republikës, i cili dekreton ministër virtual inekzistent duke fyer Kushtetutën, vendin dhe presidentin dhe e bën këtë si një skllav i vërtetë i Edi Ramës që është i implikuar deri në palcë në vjedhjen dhe shpërdorimin e pronave të ushtrisë dhe detyrohet të firmosë çdo gjë që i çon Edi Rama. E bëri zhurmë po zhurma po i kthehet në boomerang. Rama për të mbuluar se po krijon kabinetin e votës së rrëmbyer nxori Diellën, por Diella po i bëhet sterr dhe do t’i bëhet. Duhet ta nisim urgjentisht këtë dekret në Gjykatën Kushtetuese që të arkivohet në banesën e turpit të historisë. Njerëz të papërgjegjshëm për detyrën që janë të aftë të firmosin gjithçka. Nuk ndodh.

Duhet të dërgojmë në Gjykatën Kushtetuese për pezullimin e vendimit të sotëm të miratimit të ndryshimeve të rregullores në të cilën janë shkelur parimet themelore të Kushtetutës, janë shkelur nenet e saj, germat e saj, është shkelur rregullorja e Parlamentit. Kushtetuta dhe rregullorja parashikojnë si rrugë të vetme të ndryshimit të rregullores afatin 1-javor minimal dhe këta e bënë në një afat 1-ditor.

Përveç kësaj Kushtetuta përcakton se asnjë nen, asnjë ligj me efekte financiare nuk mund të votohet pa u miratuar në Këshillin e Ministrave. Kalimi nga 8-11 komisione pa diskutim që shton shpenzimet për taksapaguesit shqiptarë dhe është krejtësisht i panevojshëm, por kishte vetëm një qëllim, që t’i hiqej opozitës komisioni i integrimit”, tha Berisha./ CNA





Lajmet e fundit nga