web counter
LEXO PA REKLAMA!

SHKARKO APP

App Store
Google Play

E fundit!

x

Takimi Rutte-Rama në Bruksel/ Sekretari i Përgjithshëm i NATO-s: Shqipëria aleat i fortë, edhe pse vend i vogël

17 Shtator 2025, 09:17, Politikë CNA

Takimi Rutte-Rama në Bruksel/ Sekretari i Përgjithshëm i NATO-s:

Kryeministri Edi Rama takohet me Sekretarin e Përgjithshëm të NATO-s, Mark Rutte, në Bruksel.

Në një dalje për mediat para bisedimeve që do të mbahen, Rutte tha se Shqipëria është një aleate e fortë e NATO-s, edhe pse një vend i vogël po ndihmon në Ukrainë, Kosovë, Bullgari dhe Maqedoninë e Veriut.

"Shqipëria është aleate e fortë NATO-s dhe po ndihmon shumë me Ukrainën. Edhe pse Shqipëria nuk është vend i madh po bën shumë me KFOR-in në Kosovë, me Bullgarinë, me Maqedoninë e Veriut", deklaroi Rutte.

Kryeminisri Edi Rama shkëmbeu batuta me Rutte-n. Ai tha se Shqipëria po investon në fushën e mbrojtjes duke theksuar ndërtimin e portit të ri në Porto Romano për të cilën ka kërkuar mbështetjen e NATO-s.

"Gjithmonë kënaqësi t’ju takoj, jo vetëm për marrëdhënien tonë afatgjatë, por kemi gjithmonë diçka për të mësuar. Ne po mundohemi, po ecim përpara, po investojmë në industrinë e mbrojtjes që të jemi në standardet e Bashkimit Europian. Do të bashkëpunojmë me NATO-n për portin e ri në Porto Romano. Faleminderit që na pritët dhe jeni numri një që keni kaq energji në mëngjes", tha Rama në konferencën me Sekretarin e Përgjithshëm të NATO-s./CNA

 





Lajmet e fundit nga