web counter
LEXO PA REKLAMA!

SHKARKO APP

App Store
Google Play

E fundit!

x

"Parlamenti është kthyer në cirk"/ Alizoti paralajmëron zhvillime: Priten lëkundje sizmike

17 Shtator 2025, 11:06, Politikë CNA

"Parlamenti është kthyer në cirk"/ Alizoti

Deputeti i Partisë Demokratike, Tomor Alizoti, i ftuar në emisionin “Kafe Shqeto” me gazetarin Flavio Qarri, deklaroi se Kuvendi është kthyer në tragjedi dhe në komedi që i ngjan një cirku.

Alizoti tha se në një botë dinamike parlamenti shqiptar është në kozmos dhe se i vjen turp që është pjesë e tij duke e quajtur Kuvend Popullor për të nënkuptuar se jemi një shtet autoritar.

"Shiko, situata duke qenë shumë tragjike është edhe komike. Mendoj që Kuvendi, ose fjala Kuvend në gjuhën shqipe, brenda vetes ka doza të mëdha serioziteti. Dhe nëse ka një gjë sot që në të vërtetë është shumë tragjike, është realisht tragjike, është sepse në çdo Kuvend që ka pasur ky popull, në ato të voglat nëpër fshatra, male, fusha, kudo, ka pasur një element që ka qenë serioziteti. Kuvendi i sotëm është një garë cirku, kush mund të duket me karagjoz se tjetri. Dhe kjo situatë në këtë vend me një krizë kaq të madhe, sociale, ekonomike, shoqërore. Në këtë botë dinamike, ku gjithë rendi botëror lufton ose është në një fazë të një rendi të ri botëror, është komplet jashtë orbitës, është jashtë tokës. Është në kozmos fare. Dhe kjo është një tragjedi e madhe për vendin. Pra, ai Kkuvend aty, dje kishte një diskutim për çështjen e Kushtetutës dhe një pjesë e madhe nuk e kupton në vetvete çfarë është Kushtetuta. Që ligji themeltar, ligji bazë që përcakton linjën e një shteti, a është shtet totalitar, diktatorial, demokratik, bazohet në Kushtetutë, ata e shkelin në një mënyrë... me një diletantizëm sepse nuk e kuptojnë. Sepse fatkeqësia është, duhet thënë, njerëzit e kuptojnë që ky mund të jetë parlamenti më tragjik."

Alizoti tha se Rama dhe Balla duke qëndruar me të keqen e shijojnë atë. Deputeti demokrat parlajmëroi se do të ketë dinamika duke iu referuar me "lëkundje sizmike".

 

"Balla dhe disa të tjerë janë njerëzit që e dinë mirë këtë gjë bashkë me liderin e tyre. Shiko, kur je tërë kohës me të keqen, ndonjëherë e kupton, por edhe e shijon. Ky mund të jetë nga pjesa që e shijon këtë gjë. Megjithatë duhet thënë që Parlamenti është tragjik, është turp ta them, por është turp të jesh pjesë atje, në Kuvendin Popullor të Shqipërisë, me një pjesë të madhe të atyre që do të kesh dhe do të shikohen, lëkundje të forta sizmike."/CNA

 

 

 

 

 

 

 

 

 

 

 

 

 

 

 





Lajmet e fundit nga