web counter
LEXO PA REKLAMA!

SHKARKO APP

App Store
Google Play

E fundit!

x

Myslim Murrizi tallet keqazi me deputetët e opozitës: Bëtë 2 orë si gango, shkuat në rresht në komisione

17 Shtator 2025, 12:41, Politikë CNA

Myslim Murrizi tallet keqazi me deputetët e opozitës: Bëtë 2

Ish-deputeti Myslim Murrizi ka kritikuar dhe është tallur me deputetët e opozitës, të cilët pasi bënë sikur po luftonin në seancën parlamentare duke kundërshtuar komisionet, në fund të ditës shkuan në rresht të gjithë në komisione.

Murrizi shkruan se ende pa u zbardhur ndryshimet e rregullores së Kuvendit që u miratuan një ditë më parë në Kuvend, 4 emrat e kryetarëve të opozitës dhe të 7 nënkryetarëve kanë qenë gati.

“Ende pa u zbardhur ndryshimet e rregullores së Kuvendit që u miratuan dje mes “luftës” së madhe të opozitës duke braktisur seancën, paskan qenë gati emrat për 4 kryetaret e komisioneve që pozita i dha opozitës dhe 7 nënkryetaret e komisioneve që pozita mbajti për vete.

Po të paktën të kishit pritur 10 ditë që të kishte kuptim “lufta” e madhe që bëtë në Parlament mor burra dhe gra deputetë të opozitës!!!!

Se që do shkonit rresht në komisione këtë nuk e ka diskutuar askush por kur bëni “sherr” si të “fortë” e mbani formalisht inatin disa ditë të paktën se ato karrige leshi si kryetar apo nënkryetar komisionesh aty i keni e nuk jua merr kush.

Me këtë “stil luftarak” që bëni 2 orë si gango e 2 muaj si lango nuk ju merr kush seriozisht ose siç thonë nga fshati nuk ju pjerdh askush.

Tani mos bëni “beteja” kaq radikale në Parlament se çoroditen qytetarët dhe nuk do ta kuptojnë dot kur e keni me shaka dhe kur e keni me tu tallur se seriozisht e keni dhënë shembullin në 2021-2025 që e kishit vetëm kur rriheshit e shaheshit mes njëri-tjetrit”, shkruan Murrizi./ CNA





Lajmet e fundit nga