web counter
LEXO PA REKLAMA!

SHKARKO APP

E fundit!

x

Denoncimi i AGSH për kufizimin e mediave/ Zhupa: Masë represive e Ramës, pasi tha "kujdes gazetarët"

17 Shtator 2025, 13:24, Politikë CNA

Denoncimi i AGSH për kufizimin e mediave/ Zhupa: Masë represive e

Deputetja e Partisë Demokratike, Ina Zhupa, ka reaguar pas lajmit të bërë publik se Kuvendi parashikon të ndalojë gazetarët dhe kamerat të marrin pjesë në seancat plenare dhe të qëndrojnë në oborrin e Kuvendit.

Zhupa shprehet se kufizimi i lirisë së medias dhe monopolizimi me regji i ngjarjeve brenda Kuvendit është i dëmshëm për demokracinë.

Reagimi i plotë i Ina Zhupës:

"Pas porosisë së Ramës “kujdes nga gazetarët” vjen plani për mos lejuar gazetarët në sallën dhe në oborrin ku zhvillohen seancat plenare.

Një kufizim i lirisë së medias, një monopolizim me rregji i ngjarjeve brenda kuvendit nën kontrollin e mazhorancës është i dëmshëm për demokracinë.

Ky plan që po gatuhet në zyrat e kuvendit minon edhe të drejtën e qytetarëve për t'u informuar mbi aktivitetin e deputetëve që ata kanë votuar.

Gazetarët kanë gjithë të drejtën të pyesin deputetët dhe të rregjistrojnë në mënyrë të pavarur aktivitetin e seancës publike parlamentare. Në republikën e censurës të Ramës, çdo hapësirë lirie për gazetarët dhe për deputetët duhet shuar!

Çdo masë e tillë këtyre të drejtave është represive dhe e prapanueshme. Dhe ne do bëjmë gjithçka për mos e lejuar, kur liria e medias është në prioritetet e Bashkimit Europian dhe pjesë e clusterit të parë", deklaron Zhupa./CNA





Lajmet e fundit nga