web counter
LEXO PA REKLAMA!

SHKARKO APP

App Store
Google Play

“Parlamenti jashtë normalitetit”/ Namik Dokle: Jam socialist, por mazhoranca duhet të respektojë regullat

12 Nëntor 2023, 14:32, Politikë CNA
“Parlamenti jashtë normalitetit”/ Namik Dokle: Jam socialist,
Ish-kryetari i Kuvendit, Namik Dokle

Ish-kryetari i Kuvendit, Namik Dokle, ka kritikuar mazhorancën dhe opozitën për situatën e krijuar gjatë javëve të fundit në Kuvend, ku nuk ka pasur seanca plenare normale apo mbledhje normale të komisioneve.

Dokle tha në një intervistë me Nisida Tufën se jeta parlamentare ka dalë jashtë normalitetit.

Ai deklaroi se është socialist, por kjo nuk e ndalon të shprehë rezervat, ndërsa theksoi se rregullat e Parlamentit duhen respektuar si nga mazhoranca dhe nga opozita.

“Gjëja kryesore që tregojnë pamjet është se jeta parlamentare ka dalë jashtë normalitetit. Mendoj se instrumentet politikë të parlamentit kur dalin jashtë normalitetit s’kanë dobi.

Kjo që ndodh nuk është zgjidhja normale, pasi prekim themelet e parlamentarizmit. Nuk dua të bëj rolin e gjykatësit, se unë jam socialist dhe socialist do vdes. Si qytetar them se çdo instrument jashtë parlamentar nuk i bën mirë shoqërisë dhe as atyre që i bëjnë këto gjëra. Opozita mendon se është në të drejtën e saj, unë mendoj se ka rrugë të tjera.

Mazhoranca ka forcën, opozita ka mençurinë. Parlamentarizmi ka rregullat e veta dhe duhen respektuar si nga mazhoranca dhe nga opozita, ndryshe nuk është normalitet. Për një anormalitet që ka ndodhur në Parlament, unë kam dhënë dorëheqjen nga detyra si kryetar i Kuvendit”, nënvizoi Dokle./ CNA





Lajmet e fundit nga