web counter
LEXO PA REKLAMA!

SHKARKO APP

App Store
Google Play

E fundit!

x

"Opozita të ndajë mendjen nëse do të marrë pjesë në zgjedhje"/ Ish-presidenti: Të zgjedhin figurën më të fortë politike

2 Tetor 2025, 22:05, Politikë CNA

"Opozita të ndajë mendjen nëse do të marrë

Ish-presidenti, Bamir Topi i ftuar në A2 CNN ka folur për zgjedhjet në Bashkinë e Tiranës dhe qëndrimin e opozitës.

Topi deklaroi se opozita duhet të ndajë mendjen nëse do të marrë pjesë apo jo në zgjedhje dhe nëse do të marrë pjesë, të kandidojë figurën më të fortë politike.

Ish-presidenti e krahasoi merrjen e Bashkisë së Tiranës si marrjen e mesfushës në futboll, pra një gjë kyçe.

Sa i përket refuzimit nga shumë emra të PD për të garuar në zgjedhjet lokale, Topi tha se kjo tregon gjendjen në të cilën është opozita.

Gjendje nga e cila, ish-presidenti propozoi se mund të dilet vetëm duke kandiduar figurën më të fortë politike dhe duke i garantuar karrierë politike brenda partisë.

“Kanë dalë dhe po kërkojnë emrin, ndërkohë që na ndajnë 30 ditë nga zgjedhjet. Këta duhet të ndajnë mendjen: nëse do marrin pjesë, duhet të zgjedhin figurën më të fortë politike. Sepse zgjedhjet në Tiranë janë vetëm dy vjet para zgjedhjeve të rëndësishme për Tiranën. Kush merr Tiranën, kush merr mesin e fushës, siç ndodh në futboll, fiton ndeshjen.

Njeriu kur humbet besimin, edhe kur e ka garën plotësisht të fitueshme, bën që të humbësh garën. Të gjithë ata që nuk pranojnë, dhe kjo është situatë debulese e opozitës, tregon gjendjen reale ku është opozita. Prandaj, për të dalë nga kjo situatë, që është sa politike, aq edhe psikologjike, PD-ja duhet të vendosë figurën me potencialin më të lartë politik, duke i dhënë garanci të plota për karrierën politike brenda partisë. Sepse nuk mund të digjen njerëzit”, tha Topi./CNA





Lajmet e fundit nga