web counter
LEXO PA REKLAMA!

SHKARKO APP

App Store
Google Play

E fundit!

x

“Ka futur juristët në debat”/ Beçi: Ja çfarë parashikon Kushtetuta për dekretimin e zgjedhjeve

2 Tetor 2025, 21:55, Politikë CNA

“Ka futur juristët në debat”/ Beçi: Ja

Ish-prokurori, Eugen Beçi ndau sot detaje të aspektit ligjor sa i takon dekretimit të datës së zgjedhjeve të pjesshme për 6 bashki të vendit.

Në një emision televiziv, Beçi analizoi vendimin duke iu referuar përcaktimeve të bëra në Kushtetutë, çështje për të cilën tha se ka futur në debat edhe vetë juristët.

Beçi u shpreh se i gjithë debati lidhet me mënyrën sesi është parë neni 115 i Kushtetutës dhe procedimi i bërë për rastin nga ish-kryebashkiaku i arrestuar i Tiranës, Erion Veliaj.

“Ky është vlerësim që ka futur juristët në debat. Ligjin mbi vetëqeverisjen vendore dhe Kushtetutën, nuk mund t’i shohësh të veçuara. Nëse sheh vetëm Kushtetutën ke nenin 115, ku thuhet që shkarkimi bëhet për shkelje të rënda ligjore, dhe kryhet pezullimi pas ankimimit, mungojnë hollësitë që Kushtetuta nuk mund t’i marrë përsipër, pasi flet për parimet e përgjithshme. Nëse merr vetëm Kushtetutën thua nuk është shkarkuar për shkelje të rënda të ligjit, por se nuk ka vajtur në punë.

Nëse merr vetëm ligjin më vete duket sikur nuk ka lidhje. Duhen marrë të ndërthurura. Kemi një konkluzion, propozon Këshilli bashkiak, Këshilli i Ministrave vendos shkarkimin, automatikisht nëse bën ankim në GJK, në pikëpamje formale, vetëm dorëzimi në protokollin e GJK, duhet ta pezullojë efektin. Mendoj se nuk mund të merren te veçuara. Por nëse i merr bashkë... Ligji parashikon tre pika të shkarkimit dhe më pas shkon në Kushtetutë. Unë them duhen marrë të lidhura. Nëse e merr më vete, nuk gjen arsyet administrative të shkarkimit. Po të shohësh nenin 115 të izoluar i bie të mos shkarkohet kurrë. Prandaj merren në mënyrë organike dhe futet edhe neni 62 i ligjit për vetëqeverisjen vendore.

Ajo që thoni, shkelja administrative ka dy parime bazë. E para, procesi i rregullt dhe këtu jemi në GJK, në habitatin e GJK, ku ka të paktën 4 vendime ku ka parashikuar mënyrën se si duhet të zhvillohet proces i rregullt ligjor. Gjatë të gjithë procesit kemi një shkelje thelbësore që GJK nuk mund ta lërë pa përmendur, në rastin e kryetarit të Bashkisë së Vaut të Dejës, ku thuhet se personi duhet të njihet me arsyet e shkarkimit, së dyti të marrë pjesë në proces, vetë ose ndërmjet përfaqësuesit të tij. Edhe Presidenti edhe KM, nuk mund të interpretojnë çfarë ka në mendje GJK. GJK të mos fshihet dhe të dalë.

GJK ka afatet e saj, do të mblidhet treshja e gjyqtarëve, të vlerësojë a është në kompetencën e saj, do të interpretojë nenin në mënyrë shteruese, do të diskutojë kompetencën. Prandaj, as Presidenti dhe asnjë institucion nuk mund të paragjykojnë dhe të thonë, nuk është administrative apo Kushtetuese. Dy ish-prokurorë të përgjithshëm, janë me vendim të GJK, tre kryetarë bashkie janë po kështu, por i kishte mbaruar mandati. Është parulla “GJK është garant i Kushtetutës”. Është momenti që GJK ta kapë Kushtetutën dhe ta mbrojë. Ky është roli i gardianit. Brenda javës mund të mbledhë gjyqtarët dhe mund ta ritheksojë me vendim, pezullimin që parashikon neni 115. Por problemi është që GJK nuk ka një organ ekzekutiv. Pra vendos GJK, nuk e pyesin dhe vazhdon. Si i bëhet?”,-tha Beçi./CNA





Lajmet e fundit nga