web counter
LEXO PA REKLAMA!

SHKARKO APP

App Store
Google Play

E fundit!

x

Opozita e bashkuar në zgjedhje?/ Këlliçi: Ekzistojnë mundësitë, të hapur të ulemi në tryezë

21 Shkurt 2023, 16:09, Politikë CNA

Opozita e bashkuar në zgjedhje?/ Këlliçi: Ekzistojnë

Ndonëse Partia Demokratike i ka konfirmuar kandidatët e 14 majit, grupi i vulës, apo i Enkelejd Alibeajt është duke nxjerrë kandidatë të tjerë për zgjedhjet lokale.

Për këtë çështje është pyetur pasditen e sotme Belind Këlliçi, kandidati i PD-së për Bashkinë e Tiranës.

Këlliçi tha në një intervistë me Juli Xhokaxhin se nuk mund të quajë demokratë ata persona që dëmtojnë opozitën duke i dhënë vota Erion Veliajt.

Por ai theksoi se pavarësisht veprimeve të deritanishme, PD është e gatshme të ulet në tryezën e diskutimit me çdo faktor opozitar.

“Nëse ju gjykoni që brenda PD-së mund të ketë ndonjë demokrat që sado të ketë pakënaqësi, të shkojë dhe të votojë Veliajn dhe të ulë shanset për të fituar në Tiranë, unë vetëm demokratë nuk mund t’i quaj.

Do ishte mirë që këtë pyetje t'ja bëni zotit Alibeaj. Unë që në momentin që flasim jam produkt i një rezultati demokratik në PD, i primareve ku më kanë votuar 8500 anëtarë të PD-së.

Nëse gjykojnë ndryshe le të thonë arsye dhe ta dimë pse. Jemi të hapur të ulemi në tryezën e diskutimit me çdo faktor opozitar në kuadër të fitores në 14 maj”, u shpreh kandidati i PD-së për Tiranën, ndërsa nuk mbylli mundësinë e bashkimit të opozitës në zgjedhje.

“Ka një mundësi bashkimi të të gjithë faktorëve opozitarë, brenda dhe jashtë PD-së”, nënvizoi Këlliçi./ B.A. – CNA.al





Lajmet e fundit nga