web counter
LEXO PA REKLAMA!

SHKARKO APP

App Store
Google Play

Spaho zbulon mekanizmat e Ramës/ Si po tenton të manipulojë zgjedhjet

20 Shkurt 2023, 19:38, Politikë CNA

Spaho zbulon mekanizmat e Ramës/ Si po tenton të manipulojë

Deputeti i Partisë Demokratrike, Edmond Spaho tha se kryeministri Rama nuk mund të largohet me votë pasi sipas tij ai ka ngritur një mekanizëm me anë të të cilit arrin t’i manipulojë zgjedhjet.

Në një intervistë për gazetaren Sonila Meço, Spaho deklaroi se Rama nuk lejon zgjedhje të lira pasi vjedh dhe dhunon votën e lirë nëpërmjet aplikacioneve dhe fondeve që po shpërndahennë bashki.

"Edi Rama nuk largohet me votë, sepse ka ngritur një mekanizëm shtetëror për të manipuluar zgjedhjet. Dhe për zgjedhjet e 14 majit e ka vënë në funksionim këtë mekanizëm, përmes aplikacionit, fondet që po shpërndahen te bashkitë. Rruga është të rezistojmë, në të gjithë Shqipërinë të dalim të bllokojmë rrugët, të pamundësojmë qeverisjen, t'i bëjmë thirrje qytetarëve të mos paguajnë taksat. Unë jam për të radikalizuar qëndrimin, jo kaq thjeshtë me Edi Ramën. Kur themi nuk lejon zgjedhje të lira dhe të ndershme duhet të nënkuptojmë që ky vjedh, kjo është dhunë, dhe duhet t'i përgjigjesh me mjetet që meriton”, tha ai.

Për sa i përket vendimit për të mbajtur protestën në një datë me gjyqin për vulën e PD-së, Spaho tha protesta nuk ka të bëjë me gjyqin por fokusi i saj është Edi Rama.

“Protesta e datës 3 mars nuk ka të bëjë me gjyqin. Problemi nuk është për shkak të gjykatave, por për shkak të Edi Ramës. Midis gjithë këtyre hallkave duhet të përqendrohesh te kryesorja. Mundësitë tona nuk janë të pakufizuara. Këtu kemi një realitet që reagon me shumë vështirësi ndaj padrejtësive. Nuk shquhemi për reagim. Fokusin e kemi te Edi Rama, protestën do ta bëjmë te Kryeministria", deklaroi ai

Opozita më datë 3 mars ka thirrur protestën e rradhës mbarëkombëtare e cila do të mbahet në të njëjtën ditë me gjyqin për vulën e Partisë Demokratike./CNA.al





Lajmet e fundit nga