web counter
LEXO PA REKLAMA!

SHKARKO APP

App Store
Google Play

E fundit!

x

Trafiku në Tiranë/ Veliaj: Nuk i ndalojmë dot qytetarët të vijnë nga rrethet

19 Shkurt 2023, 14:40, Politikë CNA
Trafiku në Tiranë/ Veliaj: Nuk i ndalojmë dot qytetarët
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, ka folur për trafikun e rënduar të Tiranës, që sipas tij vjen si pasojë e zhvillimit të kryeqytetit.

Veliaj tha në rubrikën e tij të përjavshme se nuk i ndalon dot qytetarët nga rrethet të vijnë në Tiranë.

Ai deklaroi se është e pamundur të ecësh me të njëjtat ritme të shtimit të popullsisë në kryeqytet.

“Nuk ndalojmë dot mijëra qytetarë që vijnë çdo ditë edhe nga rrethet në Tiranë, për të dhënë dhe për të marrë shërbime. Në këto kushte, është e pamundur të pretendosh që infrastruktura urbane, pra rrugët dhe transporti publik, t’i përgjigjet me të njëjtin ritëm kësaj shpejtësie të jashtëzakonshme të zhvillimit”, u shpreh kryebashkiaku.

Veliaj tha se për këtë arsye Bashkia e Tiranës ka sjellë konceptin e “demokracisë së rrugës”.

“Ne besojmë tek ajo që quhet 'demokracia e rrugës'. Në rrugët tona kalojnë makinat private, kalojnë autobusët, por kalojnë edhe pedaluesit, dhe mbi të gjitha këmbësorët, ata që nuk kanë makina, ose që pëlqejnë të ecin. A duhet që rrugët t’ua kushtojmë vetëm makinave, meqë janë më të mëdha dhe i bien më shumë borisë, apo mos është më e drejtë t’i ndajmë në mënyrë proporcionale për alternativat e ndryshme të lëvizjes, nga ecja e deri te përdormi i automjeteve?”, vijoi ai, ndërsa theksoi se do të shtojë hapësirat për këmbësorët./ CNA.al





Lajmet e fundit nga