web counter
LEXO PA REKLAMA!

SHKARKO APP

App Store
Google Play

E fundit!

x

Senjamini “shuplakë” përçarësve/ “Grup anti-opozitë, motivimi i tyre, t'i shërbejnë pushtetit”

20 Shkurt 2023, 22:59, Politikë CNA

Senjamini “shuplakë” përçarësve/ “Grup

Analisti Neritan Senjamini ka folur për sa i përket çështjes së vulës në Partinë Demokratike.

Në një intervistë për gazetarin Ylli Rakipi ai e ka cilësuar grupin e Enkelejd Alibeajt si grup anti-opozitë, që motivim të vetëm ka t’i shërbyer pushtetit për të shpartalluar opozitën.

Ndër të tjera ai theksoi se është absurde mos t’i jepet vula Partisë Demokratike të Sali Berishës.

“E vetmja mundësi që gjykata t’ia japë vulën e PD-së, z.Alibeaj dhe z. Bardhi, nëse ajo i pyet të gjithë ata që kanë qenë te konventa e PD-së, ata 5 mijë veta, dhe të zbulojë se ata nuk kanë qenë atje.

A ishte vullneti i anëtarëve të PD-së për të zgjedhur z.Berisha kryetar dhe të tjerët dhe për të përjashtuar këta të tjerët?  Ka vetëm një mundësi. Z.Berisha pretendon se ka patur një konventë, gjykata të verifikojë këtë fakt dhe pa e verifikuar këtë gjykata nuk mund të vendosë gjë tjetër. Është absurde të ketë një logjikë tjetër jashtë kësaj.

E dyta. Gjithë grupi i z. Alibeaj është një grup anti-opozitë dhe anti-PD, nuk ka motivim demokratik, por vetëm një motivim për t’i shërbyer pushtetit për të shpartalluar opozitën.

Ata nuk kanë as moralisht, as politikisht, as shpirtërisht asnjë lloj arsyeje për të pretenduar për të marrë vulën e PD-së. Ky grup nuk ka asnjë ide politike. Po t’u thuash atyre mos fol për Berishën, këta nuk ekzistojnë. Nuk kanë thënë asgjë tjetër vetëm non grata, non grata.

Këta njerëz duhen turpëruar politikisht, sepse po bëjnë një shërbim shumë të keq. Sali Berisha duhet larguar nga PD-ja me votë, por jo të mos e lejosh të hyjë në zgjedhje, se ka vendosur dy vartës të tij, një Alibeaj që e mori nga rruga dhe Alibeaj ishte ministër Drejtësia kur ishte non grata kryeministër”-tha Sejamini.

 

 





Lajmet e fundit nga