web counter
LEXO PA REKLAMA!

SHKARKO APP

App Store
Google Play

E fundit!

x

“Pretendojnë se janë ndryshe”/ Ironizon Gurra: Kryetar partish pa anëtarësi, janë bërë deputetë me votat e PD  

20 Shkurt 2023, 21:55, Politikë CNA

“Pretendojnë se janë ndryshe”/ Ironizon Gurra: Kryetar

Gazetari Hysni Gurra është shprehur se Partia Demokratike ka shumë punë për të bërë pasi duhet të luftojë  për të eleminuar arrogancën, intrigën dhe gardhthurësit.

Në një postim në rrjete sociale ai shkruan se Sali Berisha është i vetmi njeri që është testuar me vota dhe ka pëlqyeshmërinë e publikut.

Ndër të tjera Gurra shkraun se figura të reja politike si Këlliçi, Alimehmeti, Zhupa etj, janë dukshëm të preferuar nga opinioni publik dhe u është dhënë hapësira e vendi që meritojnë nga partia.

Më tej ai ka ironizuar politikanët dhe gazetarët të ndryshëm që kanë 30 vjet në politikë e media që japin mend dhe kujtohen të dalin në ekran 2-3 muaj para zgjedhjeve.

“PD-ja sigurisht ka shumë punë për të bërë brenda saj. Të hapet më shumë kundrejt njerëzve të ndershëm e të aftë. Të krijojë një qeveri hije për të cilën qytetarët të kenë një ide pse dhe për kë duhet të votojnë. Të eleminojë sa të jetë e mundur arrogancën, intrigën, gardhthurësit…e kam fjalën për figura që kanë konsumuar pushtet gjatë ose janë vetvetiu të konsumuar si proces natyral.

I vetmi njeri që është testuar me votë dhe është afirmuar me pëlqyeshmëri të lartë nga baza e partisë dhe publiku është Sali Berisha.

Të gjithë të tjerët janë të zëvendësueshëm, disa prej të cilëve është detyrim të kalojnë në skalionin e dytë e të tretë pasi ngjallin edhe irritim në publik në shumë raste. Thënë të gjitha këto, është i pa mohueshëm fakti që diçka ka ndryshuar. Figura të reja politike si Këlliçi, Alimehmeti, Zhupa etj, janë dukshëm të preferuar nga opinioni publik dhe u është dhënë hapësira e vendi që meritojnë nga partia.

Megjithatë është e ditur se një parti politike nuk rinovohet brenda natës. E provoi Basha në 2017 këtë dhe rezultoi jo efikase si lëvizje. Me një të rënë të laspit e në mënyrë klienteliste, hiq një servil ver një servil tjetër, hiq një të pa aftë e ver një tjetër më të pa aftë…nuk quhet rinovim.

Sa më shpejt të fillojë PD të zgjerojë procesin e nisur të hapjes mbi bazën e kriteteve të meritës, ndershmërisë e aftësisë aq më shpejt do t’i vijë fundi këtij pushteti që ka asfiksuar Shqipërinë.

Në Shqipëri ka njerëz të aftë e të ndershëm plot, me gjithë ikjet masive të viteve të fundit.

Ama, kur dëgjon politikanë si Dashi e gazetarë të ndryshëm që kanë 30 vjet në politikë e media, të cilët flasin sikur kanë zbritur sot nga qielli, e sikur janë qelibar, të vjen çudi.(!)

Flasin njerëz që janë në politikë e nuk shqiten prej saj për 30 vjet.

Kryetar partish pa anëtarësi, pa struktura, pa elektorat, kanë vetëm një grusht simpatizantësh e janë bërë deputetë me votat e PD. Dhe japin mend e pretendojnë se janë e reja në politikë, pretendojnë se janë ndryshe.

Si është e mundur që bëhen të gjallë e u hapen dyer e studiove televizive vetëm 2-3 muaj para çdo palë zgjedhjesh?”, shkruan ai./CNA.al

 





Lajmet e fundit nga