web counter
LEXO PA REKLAMA!

SHKARKO APP

App Store
Google Play

E fundit!

x

"Nuk ka ende një produkt"/ PD kërkon shtyrjen e afatit të "Territoriales", PS e kundërshton

23 Korrik 2026, 11:22, Politikë CNA

"Nuk ka ende një produkt"/ PD kërkon shtyrjen e afatit

Bashkëkryetari i Komisionit të Posaçëm për Reformën Administrativo-Territoriale, Luçiano Boçi, ka kërkuar sot në Kuvend zgjatjen e mandatit të komisionit, duke argumentuar se puna e tij është ende larg përfundimit.

Në fjalën e mbajtur në seancë plenare, Boçi deklaroi se komisioni nuk mund të mbyllet pa përfunduar dëgjesat, pa analizuar rezultatet e reformës së vitit 2014 dhe pa hartuar e diskutuar një raport përfundimtar.

Sipas tij, dëgjesat nuk janë zhvilluar ende për Tiranën, ku jeton rreth një e treta e popullsisë së vendit. Ai shtoi se nuk janë dëgjuar as komunitetet që kanë paraqitur kërkesa pranë komisionit.

“Komisioni është në mes të punës së tij. Nuk mund të kërkohet një reformë apo një raport përfundimtar, kur komisioni nuk ka zbatuar kalendarin dhe nuk ka ende një produkt”, u shpreh Boçi.

Deputeti i opozitës akuzoi mazhorancën se po kërkon ta mbyllë komisionin pa respektuar të gjitha hallkat e konsultimit publik dhe parlamentar. Ai pretendoi se pas kësaj lëvizjeje qëndron synimi për shkrirjen e disa bashkive, pa u konsultuar më parë me qytetarët, përfaqësuesit vendorë dhe vetë kryetarët e bashkive.

Në cilësinë e bashkëkryetarit, Boçi tha se e ka paraqitur zyrtarisht kërkesën për zgjatjen e mandatit. Ai u bëri thirrje deputetëve të votojnë për shtyrjen e afateve, duke theksuar se një vendim i tillë do të mbronte seriozitetin e procesit dhe autoritetin e Kuvendit.

Ndërkohë, kreu i Grupit parlamentar të PS, Taulant Balla, kundërshtoi kërkesën për zgjatjen e afatit të Komisionit të Posaçëm për Reformën Administrativo-Territoriale, duke argumentuar se mandati i tij ka përfunduar dhe nuk mund të zgjatet. /CNA





Lajmet e fundit nga