web counter
LEXO PA REKLAMA!

SHKARKO APP

App Store
Google Play

I përfundon mandati 3-vjeçar/ Ambasadori i BE-së dekorohet nga Rama

21 Korrik 2026, 13:28, Politikë CNA

I përfundon mandati 3-vjeçar/ Ambasadori i BE-së dekorohet nga

Në përfundim të mandatit të tij 3-vjeçar si ambasador i Bashkimit Europian në Tiranë, Silvio Gonzato është dekoruar nga kryeministri Edi Rama me Yllin e Madh të Mirënjohjes.

Përmes një postimi në rrjetet sociale, Gonzato ka ndarë edhe një mesazh falënderimi për Shqipërinë, që uron ta takojë sërish në BE, ndërsa ndan edhe fotografi të shumta nga eventi.

“Bashkimi Evropian ka qenë gjithmonë për mua shumë më tepër sesa një treg apo një ekonomi e përbashkët. Ai ka të bëjë me njerëzit dhe vlerat që ndajmë: lirinë, barazinë, respektimin e të drejtave të njeriut dhe sundimin e ligjit.

Këto vlera më kanë udhëhequr gjatë tri viteve të mia në Shqipëri.

Jam mirënjohës për të gjithë shqiptarët e jashtëzakonshëm që kam takuar gjatë këtij rrugëtimi.

Jam mirënjohës që kam qenë pranë tyre, ndërsa Shqipëria i afrohet gjithnjë e më shumë synimit për t’u anëtarësuar në Bashkimin Evropian.

Kemi qenë kërkues, por të drejtë. Kemi bërë thirrje që të gjithë të jenë pjesë e këtij rrugëtimi drejt një shoqërie ku secili mund të japë kontributin e tij, ku institucionet mbrojnë të drejtat e çdo qytetari dhe ku brezi i ri ka zërin e tij në formësimin e së ardhmes së këtij vendi të bukur.

Faleminderit Kryeministër Edi Rama që më nderuat, në emër të Shqipërisë, me Yllin e Madh të Medaljes ‘Benemerenti’.

Ky vend do të mbetet në zemrën time për gjithë jetën.

Shihemi në BE,”-shkruan Gonzato./CNA





Lajmet e fundit nga