web counter
LEXO PA REKLAMA!

SHKARKO APP

App Store
Google Play

“Më telefonoi Berisha 1 orë para kandidimit”/ Korreshi tregon prapaskenat e zgjedhjeve në PD

22 Korrik 2026, 20:21, Politikë CNA

“Më telefonoi Berisha 1 orë para kandidimit”/ Korreshi

Deputeti i Partisë Demokratike, Saimir Korreshi, ndau sot disa të pathëna lidhur me procesin e zgjedhjeve në Këshillin Kombëtar të PD-së, në të cilat garoi për postin e Sekretarit të Përgjithshëm.

Në një dalje televizive, Korreshi u shpreh se e priti pozitivisht propozimin për kandidim që i bëri kryedemokrati Sali Berisha, që siç tha, e telefonoi rreth një orë e gjysmë para garës.

Korreshi ndau edhe detaje nga procesi i riformatimit të strukturave të partisë, ndërsa theksoi se në PD janë shtuar elementët e rinj.

“E prita pozitivisht propozimin për kandidim. Më ka telefonuar vetë kryetari i PD-së, zoti Sali Berisha, jam njoftuar vetëm një orë e gjysmë para për kandidimin, ashtu sikurse shumë të tjerët. E vlerësoj thirrjen e zotit Berisha, edhe pse unë ndihem mirë si deputet, me punën dhe detyrën që bëj, edhe pse kjo është një plus për mua. Sekretariatet janë riformatuar në 90% të rasteve, janë zgjedhur shumë elementë të mirë, kam respekt për ta. U formatua edhe Këshilli Kombëtar apo strukturat, njerëzit shikojnë se ka elementë të rinj në PD. Uroj që njerëzit e zgjedhur në këto struktura të riformatuara të kenë një ecuri pozitive dhe performancë të mirë në të ardhmen”, tha Korreshi./CNA





Lajmet e fundit nga