web counter
LEXO PA REKLAMA!

SHKARKO APP

App Store
Google Play

E fundit!

x

“Një qytet në shërbim të komunitetit”/ Manastirliu nis fushatën

8 Tetor 2025, 14:28, Politikë CNA

“Një qytet në shërbim të komunitetit”/

Kandidatja e Partisë Socialiste për Bashkinë e Tiranës, Ogerta Manastirliu, ka nisur fushatën zgjedhore duke filluar nga Njësia Nr. 1 në kryeqytet.

Manastirliu deklaroi se fushata do të prekë çdo lagje, çdo bllok banimi dhe çdo cep të Tiranës, me qëllim dëgjimin dhe bashkëbisedimin e drejtpërdrejtë me qytetarët.

Ajo theksoi se vizioni i saj është ta kthejë Tiranën në një qytet ku hapësirat e përbashkëta rrisin cilësinë e jetës dhe mirëqenien e komuniteteve.

 

“Çlirimi i hapësirave dhe kthimi i tyre për komunitetin është një nga angazhimet tona më të rëndësishme. Ky plan do të zbatohet në mënyrë kapilare në të gjitha njësitë administrative të Tiranës, duke përfshirë jo vetëm rrugët kryesore, por mbi të gjitha hapësirat brenda blloqeve të banimit. Ne duam që çdo hapësirë të kthehet në një vend të gjelbër, të shëndetshëm e çlodhës për familjet, të rinjtë dhe të moshuarit. Për këtë po punojmë ngushtë me sipërmarrjen dhe grupet e arkitektëve, në mënyrë që Tirana të ketë gjithnjë e më shumë kënde të bukura, funksionale dhe moderne. Ne kemi një plan të qartë, të strukturuar dhe intensiv për transformimin e Tiranës. Jam e bindur se së bashku me qytetarët, do ta bëjmë realitet një qytet më të gjelbër, më të bukur dhe më miqësor për komunitetin. Kjo është Tirana që duam dhe kjo është Tirana që do të ndërtojmë bashkë”, deklaroi kandidatja e Partisë Socialiste për Bashkinë e Tiranës, Ogerta Manastirliu.





Lajmet e fundit nga