web counter
LEXO PA REKLAMA!

SHKARKO APP

App Store
Google Play

E fundit!

x

"Në gjyq u shkreh një batare"/ Berisha: Rama e kaloi sigurinë nga Policia e Shtetit tek ajo e xhepit

8 Tetor 2025, 13:12, Politikë CNA

"Në gjyq u shkreh një batare"/ Berisha: Rama e kaloi

Kryetari i Partisë Demokratike, Sali Berisha, në mbledhjen e Grupit Parlamentar ngriti një sërë problematikash të sistemit gjyqësor që sipas tij çuan në vrasjen e gjyqtarit Astrit Kalaja.

Berisha tha se në vitin 2020 me VKM siguria e gjykatave kaloi nga Policia e Shtetit te “Policia e xhepit" duke iu referuar policisë private.

Kryedemokrati tha se një arsye është edhe stoku i dosjes që sjell vonesa deri në 20 vite në shqyrtimin e çështjeve si dhe gjuha e përdorur nga Rama kundrejt gjyqtarëve.

"Në sallën e gjyqit u shkreh një batare sikur të ishte në mes të rrugës, në një shesh, në një kafene dhe jo në institucion shtetëror.

Me një vendim të datës 8 korrik 2020 Edi Rama ka anuluar VKM-në e vitit 2010 që ngarkonte Policinë e Shtetit përgjegjëse për sigurinë e gjykatave. Në 2010 siguria e gjykatave dhe prokurorive iu ngarkua Policisë së Shtetit.

Rama më 8 korrik 2020 mori vendimin ku ia hoqi sigurinë policisë dhe ndaj Koçiu lau duart dhe tha s’kemi përgjegjësi. Rama ua dha mbrojtjen patronazhistëve dhe Policisë së xhepit.

Edi Rama ka përdorur fjalim ordiner ndaj gjyqtarëve.

Në Shqipëri 4-5 vitet e fundit janë dhjetëra të vrarë e të plagosur, gjyqtarët janë të vetmit në Europë që kanë humbur procesin e drejtë.

E kanë pasur 4-5 vite tani e kanë 15 vite dhe sipas stokut, specialistët thonë se duhen 20 vite", tha Berisha./CNA

 





Lajmet e fundit nga