web counter
LEXO PA REKLAMA!

SHKARKO APP

App Store
Google Play

Negociatat e Shqipërisë me BE-në/ Çelen 8 kapituj të rinj për mirëqenien

8 Maj 2025, 14:11, Politikë CNA

Negociatat e Shqipërisë me BE-në/ Çelen 8 kapituj të

Këshilli i Bashkimit Europian miratoi qëndrimin e përbashkët të BE-së për çeljen e negociatave të anëtarësimit me Shqipërinë mbi 8 kapituj të rinj të Grupimit të 3-të: Konkurrueshmëria dhe Rritja Gjithëpërfshirëse, duke shënuar një tjetër hap të rëndësishëm në negociatat e Shqipërisë për anëtarësim në Bashkimin Europian.

Konferenca e Pestë Ndërqeveritare midis Bashkimit Europian dhe Shqipërisë, do të mbahet në 22 maj 2025, në Bruksel.

Ky grupim përfaqëson rritjen gjithëpërfshirëse për mirëqenie dhe përfshin tetë fusha ose kapituj: Kapitulli 10 (Transformimi Digjital dhe Media), Kapitulli 16 (Tatimet), Kapitulli 17 (Politika Ekonomike dhe Monetare), Kapitulli 19 (Politika Sociale dhe Punësimi), Kapitulli 20 (Ndërmarrjet dhe Politika Industriale), Kapitulli 25 (Shkenca dhe Kërkimi), Kapitulli 26 (Arsimi dhe Kultura), Kapitulli 29 (Bashkimi Doganor).

Përparimi në këto fusha është thelbësor për të garantuar stabilitetin fiskal të Shqipërisë, modernizimin industrial, rritjen e inovacionit, përmirësimin e kushteve të punës dhe pjesëmarrjen në iniciativat europiane të kërkimit shkencor, arsimit dhe digjitalizimit.

Me këtë vendim, deri tani janë hapur negociatat për 27 fusha (kapituj dhe kritere) në vetëm tetë muaj, pas hapjes me sukses të Grupimit 1 (Themeloret) më 15 tetor 2024, Grupimit 6 (Marrëdhëniet me Jashtë) më 17 dhjetor 2024, si dhe Grupimit 2 (Tregu i Brendshëm) më 14 prill 2025. /CNA

 





Lajmet e fundit nga