web counter
LEXO PA REKLAMA!

SHKARKO APP

App Store
Google Play

E fundit!

x

PD, për qëndrimin e DASH-it: Berisha ka luftuar për opozitën dhe qytetarët

8 Maj 2025, 14:05, Politikë CNA

PD, për qëndrimin e DASH-it: Berisha ka luftuar për opozitën

Partia Demokratike ka reaguar pas lajmit të gazetarit amerikan se ka marrë përgjigje nga DASH-i se kryedemokrati Berisha mund të udhëtojë në SHBA. Nëpërmjet një deklarate, PD përshëndet qëndrimin e Departamentit.

Më tej, PD shprehet se nuk ka qenë betejë për lirinë e Sali Berishës për të udhëtuar, por lufta e tij dhe demokratëve është për të drejtën e shqiptareve që opozitën të mos e emërojë pushteti.

“Përshëndesim qëndrimin e Departamentit të Shtetit. Nuk ka qenë beteje per lirine e Sali Berishës për të udhëtuar, por lufta e tij dhe demokratëve per te drejten e shqiptareve që opozitën të mos e emërojë pushteti.

Partia Demokratike vlerëson dhe përshëndet qëndrimin e Departamentit të Shtetit, të bërë publik nga media amerikane, si të drejtë dhe kthim të legalitetit, të marrë peng nga administrata Biden me lobimin e George Soros dhe Edi Ramës.

E drejta ka vonuar, por është vënë në vend, falë administratës së Presidentit Trump, fitorja e të cilit i ka shërbyer botës së lirë, me mesazhin e fortë dhe të drejtë, që u përsërit edhe në fjalën e zv. Presidentit Vance në Mynih.

Partia Demokratike, në emër të kryetarit të saj, Sali Berisha, të 26 partive të koalicionit, dhe të demokratëve, që mbajtën barrën e qëndresës, falenderon Deparatamentin e Shtetit për qëndrimin e drejte dhe parimor!

Nuk është liria për të udhëtuar e Sali Berishës, që është penguar këto vite, por është liria e popullit shqiptar për të zgjedhur udhëheqësit e vet, dhe për të pasur një opozitë që nuk e emëron pushteti.

Amerika nuk është e panjohur me këtë skenar, siç e ka dëshmuar katër vitet e fundit në gjuetinë e shtrigave kundër Presidentit Trump.

Sekretari i Shtetit, Republikani James Baker, e pat thënë, në Sheshin 'Skënderbej', 34 vite më pare: 'liria funksionon'. Ajo funksionoi edhe sot”,-shkruhet në deklaratë./CNA





Lajmet e fundit nga