web counter
LEXO PA REKLAMA!

SHKARKO APP

App Store
Google Play

Mediu ndërhyn live në emision/ Ironi me panelistët: ‘Trup gjykues’ që bën këshilla lagjesh për Gërdecin

4 Tetor 2023, 22:00, Politikë CNA
Mediu ndërhyn live në emision/ Ironi me panelistët: ‘Trup
Ish-ministri Fatmir Mediu

Ish-ministri Fatmir Mediu ndërhyri live në emisionin e Eni Vasilit, teksa po flitej për çështjen e Gërdecit.

Mediu ironizoi panelistët, të cilët i quajti “trup gjykues” që po bëjnë këshilla në media, siç bëheshin dikur në lagje. 

Ai mohoi sërish akuzat dhe ngriti pikëpyetje mbi nisjen e hetimeve pas 15 vitesh, kur parashkrimi i veprës penale të shpërdorimit të detyrës është 10 vjet.

“Mirëmbrëma dhe trupit gjykues që keni aty. Këshillat dikur kanë qenë në lagje dhe tani bëhen në media. Çdo gjë që po diskutohet është në kundërshtim flagrant të ligjit. Parashkrimi i veprës penale të shpërdorimit të detyrës është 10 vjet.

Nga Gërdeci kanë kaluar 15 vjet. Sipas Kushtetutës organi ligjbërës është Parlamenti. Gjykata duhet t’i drejtohet Parlamentit. Nuk ka vetëm një vendim pushimi në 2009, por edhe në 2015 dhe 2018.

Kush e ka penguar hetimin? Pas vitit 2008 nuk kam pasur imunitet. Kush e pengoi hetimin e prokurorisë. Pse hapet pasi është parashkruar çështja?

E dini që Fatmir Mediu dy herë i kanë bërë hetim pasuror dhe nuk kanë gjetur një element të abuzimit financiar? Kanë hetuar edhe për raste të shëndetit familjar në gjithë botën dhe nuk kanë gjetur një element abuzimi financiar.

Ligji për prokurimet publike e përjashton ministrinë e mbrojtjes. Shitja e municioneve nuk bëhet me ankand. Ministri i Financave ka votuar asokohe. Nëse mendon se ministri ecën me mendjen tënde… Nuk e kam penguar hetimin ndaj meje dhe nuk kam pasur asnjë pushtet të tillë. Kjo është për të ndërtuar një proces gjueti shtrigash”, u shpreh Mediu./ CNA





Lajmet e fundit nga