E fundit!

12:59 Aktualitet

Protestat para Kryeministrisë/ Berisha: Mbështesim të drejtën e çdo qytetari për të protestuar

Kreu i PD-së, Sali Berisha, ka bërë të qartë edhe njëherë ...

Kanalizimet e ujërave të ndotura/ Balluku: Investimi do të fillojë nga zonat turistike

4 Tetor 2023, 18:38, Politikë CNA

Kanalizimet e ujërave të ndotura/ Balluku: Investimi do të

Zëvendëskryeministrja, njëherësh Ministrja e Infrastrukturës dhe Energjisë, Belinda Balluku

Kanalizimet e ujërave të ndotura urbanë do të vihen në vëmendje të Ministrisë së Infrastrukturës.

Zëvendëskryeministrja, njëherësh Ministrja e Infrastrukturës dhe Energjisë, Belinda Balluku, bëri të ditur se kanalizimet ishin lënë në plan të dytë për shkak të ndërtimit të ujësjellësave, por tashmë do të trajtohen me prioritet.

Ajo tha se ministria ka nisur një analizë të mirëfilltë të të gjithë territorit shqiptar për kanalizimet, ndërsa theksoi se investimi do të nisë nga zonat turistike për të vijuar më pas në të gjithë Shqipërinë.

“Të gjithë ujësjellësat e amortizuar, të gjitha rrjetet e ndërtuara 60 vite më parë, që nuk kanë asnjë përputhshmëri sot me kërkesën, shoqërohen gjithashtu me një mungesë tjetër që ka të bëjë me kanalizimet e ujërave të ndotura urbanë, që për shkak të prioritetit që i është dhënë ujësjellësave, ndërtimit të ujësjellësave, të shpërndarjes së ujit të pijshëm, kanë qenë pak më të frenuara përsa i përket investimeve.

Sot nga ana tjetër, kemi arritur para një fakti ku edhe kanalizimet janë po aq të rëndësishme sa shpërndarja e ujit të pijshëm dhe duan një vëmendje të jashtëzakonshme. Dhe ne për këtë arsye kemi nisur një analizë të mirëfilltë të të gjithë territorit shqiptar, ku përveç identifikimit të problematikave dhe zgjidhjeve që duhet të japim në të ardhmen, kemi bërë edhe një kostim të saktë të investimeve që duhet të ndodhin përsa i përket investimeve nga Vermoshi në Konispol. Por do t’i japim prioritet zonave të cilat kanë zhvillim ekonomik, janë zonat turistike dhe duke vazhduar pastaj me të gjitha zonat e tjera”, theksoi Balluku.

Këtë deklaratë, zv.kryeministrja e bëri në konferencën e përbashkët për shtyp me ambasadorin e Gjermanisë në Tiranë, Karl Bergner, me të cilin nënshkruajti marrëveshjen “Programi infrastruktura bashkiake V, pjesa e dytë”, që ka në fokus përmirësimin e sistemeve të furnizimit me ujë të pijshëm, kanalizimeve të ujërave të përdorur dhe trajtimit të tyre në disa bashki të vendit./ CNA