web counter
LEXO PA REKLAMA!

SHKARKO APP

App Store
Google Play

Linjë direkte SHBA-Shqipëri?/ Rama: Po bëjmë bisedime me një kompani amerikane

26 Tetor 2024, 19:10, Politikë CNA
Linjë direkte SHBA-Shqipëri?/ Rama: Po bëjmë bisedime me
Kryeministri Edi Rama

Kryeministri Edi Rama deklaroi në Nju Jork se po zhvillon bisedime për të mundësuar fluturime direkte SHBA-Shqipëri.

Ai deklaroi se aktualisht është në bisedime me kompaninë amerikane DELTA, por ende nuk ka një marrëveshje.

Kreu i qeverisë nuk dha një datë për hapjen e linjës direkte, ndërsa theksoi se fluturimi i parë do të bëhet në Nju Jork.

“Shqipëria ka aeroportin ndërkombëtar me rritjen më të madhe në Europë dhe aktualisht aeroporti po negocion me kompaninë amerikane DELTA për të nisur fluturime direkt nga Amerika në Shqipëri. Nuk e di se kur do përfundojë kjo negociatë, ndërkohë që ne po bëhemi gati të hapim aeroportin ndërkombëtar të Vlorës, që do jetë aeroporti me pistën më të gjatë në rajon. Me Air Albania apo diskutojmë për të mundësuar një fluturim të drejtpërdrejtë të Air Albania dhe fluturimin e parë, kur do ndodhë nuk e di. Fluturimin e parë do ta bëjmë patjetër në Nju York. E sigurt është që koha e gjatë që ju keni pritur për ta patur një fluturim të drejtpërdrejtë me Shqipërinë nuk do jetë më aq e gjatë dhe besoj se në një kohë të arsyeshme do ta realizojmë dhe do ta sjellim avionin këtu. DELTA ka shprehur interes, sepse edhe tur-operatorët në Amerikë kanë interes në rritje për të vizituar Shqipërinë në mënyrë direkte”, theksoi Rama./ CNA





Lajmet e fundit nga