web counter
LEXO PA REKLAMA!

SHKARKO APP

App Store
Google Play

"Ligji për barazinë gjinore minon lirinë e besimit"/ Berisha: Përafrimi me direktivat e BE-së, gënjeshtër

6 Nëntor 2025, 10:33, Politikë CNA

"Ligji për barazinë gjinore minon lirinë e besimit"/

Kryetari i Partisë Demokratike, Sali Berisha, pak para nisjes së seancës plenare mori pjesë në protestën që po mbahet jaahtë Parlamentit kundër projektligjit për barazinë gjinore.

Berisha tha se ky ligj është antikombëtar dhe antikushtetues pasi minon liritë e besimit dhe shprehjes në emër të përafrimit të direktivave me Bashkimin Europian.

"Sjell në Parlament një ligj të doktrinës postmarksiste, më çnjerëzorja. Shkon më tej se doktrina e Marksit sepse shkatërron familjen si qelizë e shoqërisë, ky ligj përmbys kodet e vendit dhe Kushtetutën, ndëshkon të gjithë ata që duhet të mbrojnë familjen dhe vlerat e saj në binaritetin biologjik. Penalizon nenet e familjes, përmbys nenet e lirisë së besimit dhe shprehjes së tij në emër të përafrimit me direktivat e BE-së.

Ky ligj po na dërgon drejt totalitarizmit, është ndër më të këqijtë sepse detyron ideologjinë e gjinisë me përkatësi të shumëfishtë duke dorëzuar Biblën, Kuranin, Talmundin tërësisht në duart e shtetit. Tashmë asnjë nga krerët e komuniteteve fetare nuk mund t’i lexojnë librat e shenjtë sikurse janë sepse do të akuzohen për diskriminim. Identitetin gjinor tani e tutje do ta përcaktojë shkolla dhe shteti me shumësinë gjinore.

Përafrimi me direktivat e BE-së është mashtrimi më i madh pasi në asnjë rresht nuk bëjnë fjalë për përkatësi gjinore të shumëfishta. Këto janë gjëra që bëhen në emër të demonit George Soros. Pas miratimit të tij zhvlerësohen kodet e mëparshme dhe triumfon ajo ideologji për të krijuar njeriun e ri. Komunizmi krijoi njeriun e ri pa pronë, ndërsa neomarksizmi njeriun e ka me gjini të shumëfishtë. Ky ligj s’mund kurrë të kalojë sepse është antishqiptar dhe antikombëtar, do të vijojmë betejën tonë.

Shumë shpejt do të nisim betejën kundër autorit të ligjit te Kryeministria, ajo ministrja që ka sjellë ligjin është agjente sorosiane.

Me kukullat e Ramës nuk do të merremi më sepse janë mjerane, ne do të merremi vetëm me Edi Ramën.

Ju garantoj se nuk jam shprehur as 40% të asaj që ky ligj përfaqëson, por ky ligj bën fjalë për diversitete të gjera identiteti që ndihem edhe burrë edhe grua, edhe grua edhe burrë. Unë them atë që kanë shkruar ekspertët, në direktiva nuk bëhet fjalë në asnjë nen për diversitet gjinor.

GJEDNJ në 2017 nuk ka pranuar gjininë neutrale këtu bëhet fjalë për dërgimin e njerëzve në poliandrizëm, në poligami. Shoqëria ka qenë poliandrike, por familja e civilizuar është monogame.

Ligji përmbys gjithçka dhe është atentati më i madh që është bërë.

Ata që janë aty nuk mund të lexojnë më Kuranin sepse do të gjobiten, nëse nuk pranojnë gjininë e shumëfishtë. Nuk do të flasin më për gjinitë burrë dhe grua. Nuk flasin më as për gjininë neutrale. Ligji shkatërron rendin. Në themel të Biblës dhe Kuranit janë familja.

U përpoqën të paraqesin si mbështetës komunitetet fetare, por dje përgënjeshtruan foton e Taulant Ballës.

Ata do të bëjnë gjthçka për të krijuar dy gjini do të krijojnë ferma grash për të krijuar fëmijë të askujt.

Respektojmë oritentimin seksual, por statusi është binar.

Cila direktivë e BE-së bën fjalë për përkatësi të shumëfishtë gjinore?

Të dalë e ta thotë, janë 21 vende të BE-së që s’kanë një ligj të tillë", tha Berisha./CNA

 

 

 

 

 

 





Lajmet e fundit nga